Jak Bak Khanduri Kawen, Sidroe Aneuk Muda Singkil Keunong Timbak Bak Ulee
Nasaja Berita - Singkil, Salah sidroe aneuk muda asai Sebatangm Aceh Singkil meuninggai donya malam baroe watee geujak bak acara pesta meukawen di gampong Sidorejo, malam Aleuhad teungoh malam (14/7)
Dedi Kasih (19) diduga meuningga keunong timbak daribeude atra salah sidroe oknum peulisi Polres Singkil deungon inisial "R".
Kapolres Aceh Singkil, AKBP Andrianto Argamuda geupeugah pihak peulisi teungoh geuseulidiki insiden nyan nyang geuduga na roh sidroe oknum peulisi lam keujadian nyan.
"Oknum peulisi deungon inisial "R" jinoe kalheuh kamoe peuaman dan jinoe teungoh kamoe lakukan penyelidikan." Kheun Pak Kapolres
Saat nyoe (baroe) peulisi teungoh jipareksa padum-padum droe saksi dan teungoh jimita bukti-bukti sinan di lokasi keujadian. Peulisi geuharap bak masyarkat beu tenang, bek sampe jiprovokasi macam-macam le ureung laen. peulisi akan meukeurija deungon profesional.
"Meunyo dari hasee penyelidikan atawa pemeriksaan eunteuk oknum nyan salah, maka akan ta tidak tegaih lagee hukom nyang ka meulaku." Kheun AKBP Andrianto.
Info nyan jiteurimong le AJNN, lagee geutuleh le bang Tommy bahwa Dedi warga Sebatang nyan meuningga deungon kondisi luka timbak bak ulee. Korban meuninggai watee teungoh bak jalan geuba u rumoh saket. Poto nyan ilustrasi ata bak Liputan6.
0 Response to "Jak Bak Khanduri Kawen, Sidroe Aneuk Muda Singkil Keunong Timbak Bak Ulee"
Post a Comment