4 Droe Anggota GAMS Aceh Ikôt Symposium International XI di Malaysia
Nasaja Berita – Banda Aceh, Gerakan Aneuk Muda Sosial (GAMS Aceh) ikôt acara symposium Internasional XI 2019 (keu 11) sidéh di Malaysia. Memang bereh aneuk muda Aceh lawet nyoe. Meunan kön meutuwah, bèk gadôh ji meu'en judi lam gampông atawa ji muek sabèë.
Acara nyoe nyang ikôt na 56 boh neugara dari mansaboh donya. Kalinyoe acara jipeuduek bak Universitaih Teknologi Malaysia (Universitas Technologi Malaysia) di Johor Bahru Skudai. Mulai tanggai 10-14 Juli baroe. Ka lheuh acara. Nyoe sang ka ji woe lom u nanggroe aneuk muda geutanyoe.
4 droe kader GAMS nyang ikôt acara nyan nakeuh Riski Maulizar seulaku ketua umum GAMS, Annur Rezha, Nasrullah Ilhas ngön teurakhé Sultan Muzawwir Al Madani. Leuoah lagak-lagak nan aneuk Aceh. Galak teug watè ta kheun nan awak nyoe.
Acara nyan na tema, nyakni Inovasi Berkelanjutan Seubagai Sumbangsih Pemuda Indonesia untuk Kemandirian Bangsa. Gron meunan ju nah.
Geupeusampo lé ketua GAMS Aeh lam Pers rilieh, "Nyoe nakeuh saboh keugiatan nyang luarbiasa. Ubeena aneuk muda ngön mahasuwa Indoneh dari man sabih dinya meusapat lam saboh acara. Hinan meupeugah bhaih inovasi keu bansa. Dan meupeusampo aspirasi, silaturrahmi, meusaéng di tingkat donya lam meubrie-brie ide nyang paléng jroeh keu keu bansa. Diksusi keu solusi peu nyang paih keu masalah nyang jinoe teungöh keujadian di nanggroe."
Panitia pih hayeu that bak jipeuduek acara Perhimpunan Pelajar Indonesia (PPI) donya 2019 nyang ka meupeugöt acara nyoe deungön leupah bereh. "Harapan kamoe ukeun beu na lo undangan symposium Internasional 2020 di Cina." Kheun Ketua bak ujông pers rilis.
Nyang kirém keu Nasaja Berita nakeuh M. Ilham Syakubat. Ka baroesa geukirém, teuman ka teulat Apa peu ék, seubab baroesa hana meupeuhah pesbuk ngön web berita. Nasaja kiraju.
0 Response to "4 Droe Anggota GAMS Aceh Ikôt Symposium International XI di Malaysia"
Post a Comment