Wen Rimba Raya: Sampe Inoehat Hana Troh Undangan Lom Keu Mualem dari Wiranto
Nasaja Berita - Banda Aceh, Nyan ka gawat lom berita cot uroe nyo. Baroe geupeugah le Wiranto di Jakarta sideh ka lheuh geurencana keuneuk meureumpok dan meuduek ngon Mualem atawa Muzakir Manaf seulaku Ketua KPA dan Mantan Panglima GAM masa konflik dilee.
Teuman uroe nyo, satnyoe Apa baca bak AJNN nyang geutuleh le Kak Sarina sideh di seukitaran Lhokseumawe dan Aceh Utara bunoe seugolom Apa jak seumayang Asa. Wen Rimba Raya atawa Marzuki AR geusampaikan bahwa sampe inoehat uroe Mualem hana geuteupu lom na agenda nyan.
Wen Rimba Raya nakeuh staff khusus Mualem.
"Sampe inoehat uroe, Lasa tanggai 18 hana troh berita lom bak Mualem." Kheun Wen Rimba Raya.
Lanjot Wen, "Meunyoe pihak poemerintah Indoneh keuneuk meureumpok deungon Mualem meulalui Wiranto sah-sah mantong, pu meudaleh teuman. Cuma info nyan hana troh lom bak Mualem, bahkan meu surat undangan untuk pertemuan pih goh na lom."
Geusampaikan le Wen Rimba, Mualem positif mantong lam hal untuk duek meureumpok deungon Wiranto. Meunyoe ta ingat Wiranto seulaku Meuntroe Polhukam Indoneh, keumungkinan rayek akan geubahaih masalah situasi politik, kemananan dan hukom nyang teungoh berlaku di Aceh.
Hai bak Apa pike meunan sit. Han mungken lah geujak bahaih bhah padum ka yu camplie atawa bawang di pasai. Nyan urusan meuntro perdagangan. Pu buet urusan Wiranto bab nyan. That na teuh.
"Teuman, pu bhaih keuneuk bahaih nyang pasti jih, eunteuk watee ka lheuh meuduek dan meureumpok baro ta teupu." Nyan ban haba Wen Rimba Raya.
Nyoe nyang ka gura geutanyoe rakyat nyang baca berita. Di Wiranto baroe geupeugah sit baroe jatah keuneuk meureumpok deungon Mualem, cuma meutheun bak transportasi. Maka uroe nyo jadwal jih.
Teuman troh uroe nyoe ka na haba dari Wen seulaku staff khusus Mualem bahwa tan troh undangan dan info sapu lom keu Mualem. Teuman kon that ji meuidang-iding berita lawwet nyo. Alah Apa meutem tuleh lam basa Aceh, sangkira hana Apa tuleh lam basa Aceh, kiban keuh ureung nyang hanjeut basa Indoneh, ka tan geuteupu sapu ju. Nasaja kiraju. Lam-lam sagoe meuteume iklan peugah droe di Apa Raban.
0 Response to "Wen Rimba Raya: Sampe Inoehat Hana Troh Undangan Lom Keu Mualem dari Wiranto"
Post a Comment