Presiden Jokowi: Mungken Lam Kabinet Kalinyo Na Aneuk Muda Umu 30 Thon u Baroh
Nasaja Berita - Jakarta, Nyan keu aneuk muda-mudi nyang hana luloih CPNS baroesa sang kajeut jak daftar droe keu meuntroe lam kabinet Indonesia Kerja jilid II. Meunurot geupeugah le Pak Presiden kemungkinan nyan na, aneuk muda di miyup 30 thon jeut keu meuntroe. Seubab bak geukalon perkembangan donya lawet nyoe, sit bak jaroe aneuk muda.
Ureung tuha kadang ka le that tuwo meuwo, jadi keuneuk peujok bak aneuk muda. Teuman meunyo aneuk muda lagee haba itu ju, bagah panaih sang. Tapi hom lah, kadang ka beda aneuk muda masa Apa jameun deungon aneuk muda lawet nyoe.
"Perkembangan donya nyo ka seumaken dinamis, jadi peurle aneuk muda nyang dinamis, energik dan ek peu sesuai droe deungon perubahan zaman nyang leupah bagah lawet nyo. Kemungkinan nyan na, bahkan bisa jadi nyang umu 20 thon atawa 25 thon pun mungken saja." Kheun Presiden Joko Widodo.
Seubab memang meunyoe droe Pak Jokowi hana galak keu ureung nyang hana kreatif dan cuma keurija seubagoe rutinitas. Jak beungoh woe supot, peubuet buet ata-ata sot.
Meunyoe ureung tuha kebanyakan meunan, meunurot Pak Jokowi nyan. Jadi meunyoe aneuk muda ek ji meusaeng lam donya revolusi 4.0 geupeugah.
Pu atara 4.0 nyan pih hom. Cara baca jih, four poin o. Lagee lam basa Inggreh, bek roh meubaca basa Aceh, Peut Koma Nol. Hana ji meuphom gob. Lheuh hana meuphom jipeukhem lom. Nasaja kiraju.
Meunan Apa baca bak AntaraNews bunoe seugolom seumayang Asa.
Nyan ban kiraju. Nyan kajeut neu peugah bak aneuk muda gampong nyang seureng ek u lam lampoh wakeuh untuk daftar droe keeu mentri Jokowi. Seubab ka pasti dinamis, buet ek tron sabee dan energik. ji theun watee ji peukumat droe bak bak u sampe 10-15 minet si bak bak u. That na teuh kiraju. Aleh ek nyoe meunan meukeusud dinasi dan energik pih hom.
0 Response to "Presiden Jokowi: Mungken Lam Kabinet Kalinyo Na Aneuk Muda Umu 30 Thon u Baroh"
Post a Comment