Rektor UIN Ar-raniry Keunöng Pareksa Bak KPK, Bhaih Korupsi Romy
Nasaja Berita – Banda Aceh, Nyan ban ka meucaruh pak Rektor UIN Ar-raniry nyang baro, Prof Warul Walidin lagoe nyan bak kasus korupsi Romahurmuzi atawa Romy, ketua Partai Persatuan Pembangunan atawa PPP
Kön cuma Rektor UIN Arraniry teunte jih tapi na 7 droe rektor nyang keunöng pareksa teukaet kasus Romy. Bek bagah that neu kheun nyo jeh, jeh nyo nyan keu pak rektor. Ureung nyan baro keunöng pareksa seubagoe saksi. Kön roh lam korupsi. Seubab memang ubee nyang ka ta teupu, kasus korupsi Rommy nyan bhaih meukat jabatan lam Kementrian Agama.
Jadi KPK peurle teupu kiban keterangan para rektor-rektor nyang baro teupileh nyo. Seubeutoi jih kiban cara ureung nyan jeut keu rektor. Seubab nyang jeut keu masalah Romy ngön KPK bak meukat jabatan, termasuk rektor. Meunan jipeugah le Febri, seulaku awak keurija bak KPK.
Seulaen Prof Warul Walidin nyang baro jeut keu rektor UIN Arraniry lam thon 2018 baroe. Na 3 droe calon rektor UIN Sunan Ampel Surabaya watee pileh thon 2018 baroesa. Na calon sit rektor IAIN Pontianak 3 droe lam thon nyan. Jadi jumlah jih na 7 droe mandum ilee saat nyoe.
Meunan Apa baca bak AJNN bunoe uroe. Ureung nyan geucok sumber bak Kumparan. Nyan ban neukiraju. Jadi Apa peu-ék berita lagee haba itu ju. Asai jeulaih sumber meutakat ju. Nyan poto ata bak internet.
0 Response to "Rektor UIN Ar-raniry Keunöng Pareksa Bak KPK, Bhaih Korupsi Romy"
Post a Comment