Moto Xenia Lheuh Meupök Sempati Star, Jitakat Lè Atlas Röt Likôt
Nasaja Berita – Aceh Timu, Beuklam, Seulanyan 17/6 gawat that keujadian di Aceh Timu. Moto Xenia nyang dari arah Medan menuju arah Banda Aceh meupök di kawasan Lhok Nibong, Kecamatan Pante Bidari, Aceh Timu.
6 droe penumpang nyang na lam moto Xenia meuninggai di teumpat keujadian, 2 droe teuk luka parah. Ta meudo'a bak Poe teuh beu ampon desya dan beuluwah kubu. Meunan sit keu keluarga para almarhum, beu rayek saba.
Moto Bus Sempati Star nyan dari arah Banda Aceh seudang kan Bus Atlas dari arah Medan.
Meunurot calitra dari Kasat Lantas dari Polres Aceh Timu sinan, Iptu Ritian Handayani, keujadian jih watee Xenia nyan ji koh moto Bus Atlas nyang geu ba le Ramli seulaku supér, ureunh Cöt Buket, Bireuen. Leupah ji koh nyan na moto Sempati Star nyang ji ba le Yusnadi awak Lamtamöt Aceh Rayek dari arah laen. Kham meupök khum meuhambo. Teuglöng moto di teungöh jalan. Pah dari likot ji takat teuk le moto Bus Atlas nyan si gö teuk.
Total korban dalam keujadian nyan, 6 droe meuninggai donya, 3 droe luka.
Meunan Apa baca bak AJNN nyang geu tuleh le bang Safrizal.
Jinoe moto nyan pasti ka lam polres, Apa yakin meunan, trep pengurusan lagee biasa.
0 Response to "Moto Xenia Lheuh Meupök Sempati Star, Jitakat Lè Atlas Röt Likôt"
Post a Comment