Peumeulet Manok, Anggota DPRK Agara dari PDIP Keunöng Cambuk
Nasaja Berita – Kutacane, Kejaksaan Negeri Aceh Tenggara baroe uroe Jeumeu'at (28/6) ka jicambuk ureung nyang langgar hukom syari'at Islam dum.
Acara cambuk dikeue umum bak stadion H. Syahadat, Kutacane, lheuh seumayang Jeumeu'at. Jadi teubiet dari seumijid langsông geubalap bak stadion dum ureung. Jak nonton ureung jicambuk.
Na 3 droe nyang jicambuk. Salah sidroe jih anggota dewan. P'uep daih anggota dewan leh. Kiban cara waki rakyat jiteume theun cambuk. Nyan ka meuwakili rakyat sang bak hie. Nasaja kiraju.
Timbul Ganda, politisi dari Partai PDIP keunöng cambuk gara-gara keunöng pasal judi atawa maisir. Leubèh teupat jih suah takheun peumeulet manok. Hana le, cuma 11 gö cambuk sagai. Teuma kon jiteume luet rueng teuh, suah boh minyeuk jeulantah kiraju, mangat gadoh peudéh.
Meunurot info, jatah jih keunöng cambuk lam buleun 11 thôn 2018 baroe. Teuman di WH Agara masa nyan jipeugah hana pèng ngön peuduek acara cambuk. Jadi inoehat baro meuteume cambuk, wate ka sép pèng untuk peugöt acara, prosesi cambuk.
Nyan ka cocok, hana peule jak peutimang soe dan dari patai pu, asai salah seupöt saja.
Nyan ka cocok, hana peule jak peutimang soe dan dari patai pu, asai salah seupöt saja.
Seulaén Timbul Ganda, na Zainal Abidin nyang keunöng 20 gö cambuk. Dan Suandi 30 gö cambuk. Teuman seubab han ék geutheun 30, kakeih meumada 8 gö. Ka sakét that jieugah, karap reubah bak döng. That na teuh.
Meunan Apa baca bak Beritakini.co nyang geutuléh lé bang Jupri seulaku wartawan sagoe jéh.
0 Response to "Peumeulet Manok, Anggota DPRK Agara dari PDIP Keunöng Cambuk"
Post a Comment