Bak Gob Rhet Yum, Di Lhokseumawe Yum Manok Ji Ék
Nasaja Berita – Lhokseumawe, Ka 3 uroe ka yum manok potong di Lhokseumawe ji ék hana ji tren lé. Meunyo biasa jih 22 ribè sikilo, kalinyo ka 28 ribè. Meunan pantauan uroe Jeumeu'at (28/6) bunoe. Brat buet teuh.
Masrizal, salah sidroe awak meukat manok lam pasai Pusong, Lhokseumawe pih hireun pakön yum manok potong di Lhokseumawe ji ék, seudangkan bak gob dum jitren yum. Sampe-sampe na bak berita lam tiphi, ka ji bagi-bagi manok gratieh dum untuk proteh bak poemerintah. Seubab adak jipubloe pih hana laba.
"Jinoe yum jih 28 ribè rupiah sikilo. Padahai meunyo baroekön, 22 ribè ka meureumpök." Kheun Mahrizal bak awak AJNN nyakni Kak Sarinah, nyang seuréng jak u pasai, sambilan geupeuék berita. Kak Sarinah sit cukôp le ka geutuléh berita meunyo lam wilayah Lhokseumawe dan Aceh Utara neukiraju.
Bahkan jipeugah lé awak meukat manok nyan, padahai awak nyan manok lokal dum ji cok. Na nyang dari Nisam Antara, na nyang dari Sawang. "Seulama ka ji ék yum, ka meukureung ureung bloe. Hana can sagai." Sambông Bang Mahrizal nyan.
"Kamoe hana meuphôm nyo pu keuh permainan atawa kiban. Seuban yum manok bak gob rhet yum, bak tanyoe ka meuhai. Ta harap poemerintah beu ijak pantoe, bém sampe na keujadian awak peumeu'en yum manok." Kheun beliau nyan.
Nyan neukalön, nasaja di Aceh. Bak gob murah bak geutanyoe meuhai. Sit ka meunan.
0 Response to "Bak Gob Rhet Yum, Di Lhokseumawe Yum Manok Ji Ék"
Post a Comment