KPA Kecam Haba dan Berita Nyang Kheun Keu Mualem Bhah Referendum
Nasaja Berita - Banda Aceh, Juru bicara KPA Pusat, Azhari Cage SIP jikeucam that haba ureung-ureung atawa berita nyang peu ulok haba Muzakir Manaf seulaku ketua KPA atawa nyang seureng ta seubot deungon nan Mualem lam video klarifikasi bhah referendum baroesa.
"Nyo ta peuingat keu ureung supaya bek latah that jak peuteubiet haba beurangkahoe, pu lom meunyoe haba nyan jiteubiet dari ureung setingkat bupati atawa ketua partai di tingkat kabupaten kota." Kheun Azhari Cage nyang seukaligus anggota DPRA.
"Ka 14 thon ka lheuh damee tapi hasil MoU dan UUPA le that nyang hana bereh lom, nyan harus ta sadari teuh." Lanjot Cage.
Adak meudeh kon beusaban-saban teuh ta perjuangkan. Nyo hana meuhaba sapu pih, ji iem dum awak nyan, meunurot Cage.
"Watee Mualem geureutak ngon referendum, ka awak nyan blah Jakarta ikot kheun keu Mualem. Sangkira awak nyan jipike keu Aceh beu jidukong lah Mualem. That na teuh." kecewa that Azhari Cage.
Bahkan kheun Cage, seugolom Mualem ceukot masalah referendum nyan, hana tom le ta deungo haba dari politisi pu keuh di nasional atawa di Aceh untuk peuaman MoU dan UUPA lagee haba jameun.
"Inti jih, geutanyoe ta lakee MoU dan UUPA beu bereh, meuhan ta referendum ju keudeh. Tujuan jih keu Aceh sit. Jadi ci beucerdas siangen lah saban-saban geutanyoe." Kheun Cage lagee Apa rawi dari Media Aceh bunoe lheuh Asa.
Nasaja kiraju, hana le meusaboh su ureung Aceh lawet nyoe. Keu seubab hana ta teupu, macam-macam dum alasan.
0 Response to "KPA Kecam Haba dan Berita Nyang Kheun Keu Mualem Bhah Referendum"
Post a Comment