Hanjeut Le Keu Rumoh, Mahasiswa Unimal Bantu Mita Bantuan Keu Nek Tihajarah
Nasaja Berita - Lhoksukon, Leupah weuh ta kalon teumpat tinggai Nek Tihajarah neukiraju. Ukuran sigo ji pot angen boh asee gadoh eunciet rumoh. Nyan keuh nyan dum kondisi rumoh nek Tihajarah, warga gampong Ulee Gunong, Lhoksukon, Aceh Utara.
Di Mahasiswa nyang jak kuliah di Universitaih Malikul Saleh, Lhokseumawe di Fakutaih Hukom lheuh jibaca bak salah saboh media onlen lokal, ji peugah han jitheun hatee jikalon na ureung meunan. Maka langsong balap honda keudeh u rumoh Nek Tihajarah untuk jijak kalon keudore.
Bahkan ketua BEM FH nyan, Muhammad Fadhli langsong jijak droe. Meunan ji kalon langsong leubeh meucureh lom hatee Muhammad Fadhli.
"Meunyoe nyan rumoh sit hana layak, ngon weu leumoe leubeh lagak weu leumoe neukiraju." Kheun Muhammad Fadhli.
Lanjot Fadhli, "Di ka tuha geuh Nek Tihajarah, tinggai sidroe tan soe kalon, rumoh hana ta tu'oh peugah pi. Meunyoe ujeun, kon le tireh, meubak-bak rhot i ujeun lam rumoh."
Muhammad Fadhli ngon rakan-rakan laen di Unimal akan jigalang dana untuk peugot rumoh Nek Tihajarah nyan. Meunan Apa baca bak AJNN ata geutuleh le bang Safrizal ceudah rupawan.
0 Response to "Hanjeut Le Keu Rumoh, Mahasiswa Unimal Bantu Mita Bantuan Keu Nek Tihajarah"
Post a Comment