That Geu Papji Geuh, 35 Juta Hadiah, Kajak Peugot Turnamen PUBG

Nasaja Berita – Banda Aceh, KAJAK atawa Komunitas Aceh Jokowi Amin Kuat, leupah teuga di kampanye keu Jokowi neukiraju. Meunoe Apa peugah, seubab ubee nyang ka leumah, dari phon na KAJAK di Aceh, kampanye keu Jokowi seip min dih rata sagoe.

Ulama ji pakat le KAJAK bak dukong Jokowi, sampe bak aneuk muda nyang meu'en game. Baroeken hana that ta kalon na nyang militan meunan bak ji kampanye keu Jokowi. Di awak KAJAK,rap rata sagoe na baliho ngon spanduk dukong Jokowi neukiraju. Sampe bak poto ulama Aceh di Istana jeut keu baliho KAJAK. Nasaja di awak KAJAK.

Kalinyoe nyoe aneuk muda meu'en game PUBG pih ji teumok le KAJAK neukiraju. Ji peugot lomba abeh na teuh. Padahai baroesa na ta deungo berita lheuh keujadian di Selandia Baru atawa New Zealand, game nyan ji keuneuk tham di Indoneh. Teuman aleh jadeh pih hom. Ka gadoh lam awo bhaih nyan.

Na neuteupu game PUBG nyan? Meutuleh sinan PUBG meunyoe neubaca PAPJI meunan ji peugah le awak Inggreh.

Meunyoe di Banda Aceh, asai na aneuk muda duek meutumpok, ji at hape, ji teumeunak anjing babi kaplat itu ini, nyang keuh nyan buet jih. Teungoh ji ,meu'en game nyan. Game meuprang. Apa hana meutu'oh sit. Nyang pasti, asai na awak meu'en game nyan bak keude kupi, hana pu ta duek toe awak nyan. Hanyie punyueng teuh.

Beh ka, nyang keuneuk peugah kon nyan. Di awak KAJAK kalinyoe suwah takheun KAJAK PAPJI, seubab PUBG ji peugot le awak KAJAK. Nyoe kon Apa teunak ngon kalimat pap-pap lam bahsa Aceh beh. Bek hana meupu sapu eunteuk ka neupeugah Apa teumeunak. Apa hana kuto babah meunan. Punyueng sagai kuto seubab seureng meudeungo ureung teumeunak. Nasaja kiraju.

Hadiah keu awak meu'en PUBG nyan 35 Juta. Hana c'iep sagai neukiraju. Ukuran saboh honda baro, kon vario, tapi NMax meuteume sang. Meunyoe kon, eunteu ta tanyong lom bak awak meukat honda, pu nyoe dumnan yum honda nyan pih. Acara uroe nyoe, Sabtu 9/4 bak geudong Amel Convention Center. bak Apa kira, le that peng awak KAJAK nyan, dum ta sewa geudong Amel nyan pih hana kureung bak 35 Juta lengkap deungon tenda di luwa dan pu-pu mantong laen. Apa teupu meunan, dari ngon Da Mulah watee geupeukawen aneuk dara geuh baroesa. Nasaja kiraju.

Share this post