Lheuh Acara Peusijuek, Abeh Gadoh Spanduk Ngon Bendera PDA di Aceh Utara
Nasaja Berita - Lhoksukon, Malam Aleuhad tanggai 6/4 baroe, rupajih na acara peusijuek caleg DPRK Aceh Utara dari Partai Daerah Aceh, atawa PDA sideh di Panton Labu. Seulaen peusijuek,na orasi peulitek bacut dari Abi Muhib Seulimum atawa Tgk. H. Muhibussabri A Wahab, seulaku ketua DPP Partai Daerah Aceh. Nyang peurle teupu nyang bahwa PDA nyoe Parta nyang geupeudong le Ulama. Keu ulee partai awai, Almarhum Abu Panton atawa Abu Ibrahim Bardan, ta meudo'a beu luwah kubu Abu dan beujeut keu taman syuruga.
Meunurot info nyang geu sampaikan le Tgk Muhammad Saddam, S.Pd.I seulaku caleg DPRA dari partai PDA Dapil 5, Abi Muhib meuapui-apui bak geupeugah haba. Lagee biasa ju. Na tom Apa deungo padum-padum go dari masa dilee.
Peurle ta teupu, Panton Labu sit memang seuharoh jih jeut keu basis dari PDA. Meuhan kon rugo dan malee that ureung panton terutama teungku-teungku sinan. Nyang bahwa PDA nyan karap jeut takheun Partai ureung Panton Labu. Nyan Apa deungo bak video Teungku Marsyuddin Ishak nyang na geubagikan bak pesbuk.
Teunyata lheuh acara peusijuk nyan, na nyang ji ek spaning sang bak hie. Mungken dari lawan. Meusoe nyang han. Bak ji kalon maekn ramee ureung seukitaran Panton Labu nyang ka meukeunong deungon PDA.
Nibak Malam Lasa beuklam tanggai 8/4, geupeugah le Tgk Saddam, le that ka APK atawa Alat Peraga Kampanye nyang ka hana le. Bendera gadoh, tinggai tiang tok ka ji peupo lam parek. Spanduk ji lheup, ji pr'iek dan maca dum pokokjih neukiraju.
Keujadian nyang geutuleh lam statuih pesbuk Tgk Muhammad Saddam, S.Pd.I nyan adalah laporan dari timses Tgk Saddam di gampong Matang Sijuek Timu.
0 Response to "Lheuh Acara Peusijuek, Abeh Gadoh Spanduk Ngon Bendera PDA di Aceh Utara"
Post a Comment