Innalillah, Teungku Jak Keumawe, Rhot Lam Laot Hana Geuwoe Lee
Nasaja Berita - Lamno, Salah sidroe santri bak Dayah Budi Mesja, Lamno Aceh Jaya, Teungku Muhammad Riza (22 thon), nyang asai neuh beliau nyan dari Kecamatan Langlahan Aceh Utaram ka geutinggai tanyoe, seubab ji 'uet le riyeuk laot bak teungoh geukawe eungkot di kuala Daya Lamno, Aceh Jaya, aroe uroe Sabtu supot (27/4).
Meunurot Kepala Pelaksana BPBK Aceh Jaya Mukhtaruddin, SP, M.Si melalui Pusdalops-PB BPBK Aceh Jaya Destian Yurisfan geusampaikan bak awak AJNN, keujadian maw'ot nyan bak watee Teungku Riza nyan geujak keumawe deungo rakan u Kuala Daya, toe seputaran komplek Makam Poe Teymeruhom, Gampong Glee Jong. Seukitaran Poh seuteungoh tujoh, karap mungreb.
Meunurot keterangan dari rakan Teungku Riza nyan, teungoh lalee bak geukeumawe, thee-thee troh riyeuk rayek jihantam ureung nyan dua, meutarek dan ji'uet le riyeul mandua geuh. Tapi Teungku Riza hana seulamat. Di rakan nyoe lheuh bak riyeuk.
"Di rakan nyoe seulamat seubab jeut geumeulangu. Seudangkan nyang sidroe teuk hana seulamat, hana meuhoe ji 'uet le riyeuk seubab hanjeut meulangu." Kheun Pak Yurisfan nyan.
Sampe saat nyoe tim BPBK Aceh Jaya sajan TNI, Polri, TAGANA, RAPI, PSC, BASARNAS Meulaboh dan Satgas SAR Aceh Jaya dan warga teungoh geuusaha mita jasad korban.
"Hingga inoehat -ji ek berita nyoe bak AJNN lam poh 12 malam-, golom meureumpok mayet. Dan mandum pihak teungoh meuusaha dan akan ta mita sampe meuteume." Meunan geusampaikan le Pak nyan.
Meunan Apa baca bak AJNN beuklam ata geutuleh le Suar. Seudangkan poto Teungku nyan bak pesbuk ata ji share le Risfan Nur. Do'a sagai bak geutanyoe nyang ka ta baca berita nyoe. Meunyoe udep beuseulamat jiwa, meunyoe keubiet ka hana le, beuseulaat iman donya akhirat. Ureung jak beut, jroeh donya akherat ta lake bak Poe.
0 Response to "Innalillah, Teungku Jak Keumawe, Rhot Lam Laot Hana Geuwoe Lee"
Post a Comment