Bak Warnet Jibeureukah Pancuri Alfamart Bireuen
Nasaja Berita - Bireuen, Leumoh that pancuri Bireuen lagoe, golom si uroe ka jibeureukah le peulisi. Suah jak ikot diklat ilee beupaih. That na teuh.
Satuan Reserse Kriminal Polres Bireuen bak uroe Sabtu 27/4 baroe jak drop pancuri toko ALfamart nyang na di Gampong Pulo Ara Geudong Teungoh, Kecamatan Kota Juang, Kabupaten Bireuen. Langsong droegeuh Kasat reskrim Iptu Eko Rendi Oktama nyang tron lapangan.
Kejadian jih baro meuteupu bak beungoh uroe, watee karyawan dan Wahdyuni Ilyas seulaku poe toko, jak buka keudee. Meunan geukalon ka tan meugunci pinto keudee. Meugabuk teuk. Geutamong u dalam geukalon na linggeh sikrak sinan teuduek di ateuh rak, andok sinan bak aleue, ubee na barang meuhambo" Meunan calitra Kasat Reskrim nyan.
Teuman kon biet lagee Apa peugah, pancuri hana seip ikot pelatihan lom. Nyan kajeut jak daftar bak badan Diklat Pancuri ju, bagi nyang na rencana jeut keu pancuri Profesional, nyang bek tanyong pat. hana Apa tupat sit.
Watee geupareksa bak CCTV le poe pihak, langsong geujak lapor bak peulisi. Nyan ban baro beutoi, lapor ilee bak peulisi, bek lapor bak pesbuk. Malah ji drop geutanyoe le peulisi eunteuk keunong UU ITE. Hana ta tu'oh seubab lawet nyoe, le that hukom ka meutindeh-tindeh.
"Meunan kamoe teume info nyan, langsong ju meugrak buet jak drop pancuri," kheun Peulisi nyan.
"Sinan bak warnet Srinanda gampong Pulo Ara nyan meuteumee, laju meubeureukah." Calitra Pak Kasat Reskrim nyan. Pu buet i teuman sinan, bak warnet ji jak meusom. Atawa teungoh jijak panto situs KPU sit di jih. Alahai ben Suren keuh.
Meunurot lheuh geupeutron boh thek thok le toke, na kirakira 9,5 juta rupiah lah rugoe. Jinoe kakeuh bak Mapolres Cot Buket, Bireuen si gam pancuri nyan. Teungoh ji pareksa dan ji proses. Bak sang ka keumong muka, hai biasa meunan, bah pih hana geutuleh le meunan le Kak Sarina seulaku jurnalieh AJNN nyang peu ek berita nyoe. Apa sinan meubaca. Poto pih ata sinan, Istimewa sumber poto meutuleh, aleh pu nyang istimewa hana ta teupu.
0 Response to "Bak Warnet Jibeureukah Pancuri Alfamart Bireuen"
Post a Comment