Tastafi: Abu, Pu Jeut Meunikah Jeulame Saboh Aqua Glah Atawa Kredit Bak Bank?
Nasaja Berita – Banda Aceh, Nyoe that lagak neukiraju ureung teumanyöng bak beut Tastafi sajan Abu Mudi bak seumeujid raya Baiturrahman bunoe lheuh isya.
"Abu pu keuh ek jeut ta meunikah deungön jeulame ata ta kredit bak Bank? Atawa meumada ngön saboh glah aqua?". That bereh pertanyaan kön nyoe ile. Nyan sit that timang ji deungö le aneuk muda nyang hana meunikah lon wab meuhai that yum meuh neukiraju. Watee Apa kalön muka aneuk muda di sampeng Apa, mirah muka ji theun khem neukiraju.
Neujaweub le Abu, lheuh preh abeh pertanyaan dari ureung laen lom. Seubab biasa memang sit lhee droe ureung teumanyöng ile, baro geujaweub meusigö.
"Jadi meunoe, biasa jih nyang jeut keu na peutimang bhah jeulame nyan tok gara-gara urusan seubot lam akad. Jadi neuduek hukom, jeulame hana wajeb seubot. Nyan syarat nikah, kön rukon nikah apalagi bagian akad". Meunan jaweub Abu Mudi. Nyan bak Apa kira-kira ka beutoi, meubacut hana salah. Le Apa kalön lagee nyan memang lagee Abu Mudi peugah.
"Nyan jeulame nyan bak neuduek jih nakeuh harga untuk jeut keu hak milek seurta hak pakek manfa'at. Jadi nyan ubee ridha ueung inöng atawa dara baro. Tapi bek neukheun yum lagee yum barang. Agama ka geuato nyan nan jih mahar, supaya leubeh haloh. Han teupeh ureung meu peurasaan." Bak neu jelaskan le Abu.
"Makajih nyang muda-muda nyang golom meunikah neu nego ilee beupaih. Bek sampe na keujadian jeulame ubiet, asoe kama meuploh juta. Ji teume kanjai neuh." Kheun Abu Mudi. Meugok-gok ji khem Aneuk muda di sampeng Apa. Sang bak Apa kalön hie hana lom meunikah. Nyan di likot Apa ji tumpang ulee kiraju. Sang brat teupeh, lagee teugidham bak ji rasa surah Abu malam nyoe.
"Makajih nyang muda-muda nyang golom meunikah neu nego ilee beupaih. Bek sampe na keujadian jeulame ubiet, asoe kama meuploh juta. Ji teume kanjai neuh." Kheun Abu Mudi. Meugok-gok ji khem Aneuk muda di sampeng Apa. Sang bak Apa kalön hie hana lom meunikah. Nyan di likot Apa ji tumpang ulee kiraju. Sang brat teupeh, lagee teugidham bak ji rasa surah Abu malam nyoe.
"Jadi meunan neuduek jih. Teuman meunyoe jak meuutang ilee bak bank, lheuh nyan bayeu teuk kredit bak bank bacut-bacut. Nyan beuhati-hati. Bek sampe bak mita haleu keuneuk meunikah ureung inöng, ka keunöng hukom hareum riba. Nyan suah kalön kiban akad watee meuutang bak Bank. Neumita bank nyang pah meunyoe na, Bank Syari'ah." Meunan penjelasan singkat Abu.
Bak Apa kira, paih ateuh bareh paih neukiraju. Nyan nyang muda-muda teungoh mita dara baro. Meunyoe Apa jameun ngön Da Mulah bek neutanyöng le beh. Kamoe ka trep ka seuleusoe urusan nikah. Tinggai peutimang teuk.
0 Response to "Tastafi: Abu, Pu Jeut Meunikah Jeulame Saboh Aqua Glah Atawa Kredit Bak Bank?"
Post a Comment