Pu Ji Peuset? Ka Luloih CPNS Kemenag Aceh, Hana Ji Intat Beurkaih Lom
Nasaja Berita – Banda Aceh, Cukop lagak lumboi keu jumlah CPNS nyang luloih baroesa bak Kemenag Aceh neukiraju 1243. Sireube Wareutoh Peut Ploh Lhee Sang jeut pasang keu eunteuk malam lumboi nyoe kiraju. Ji teumee keunöng ukuran sadum ngön gaji PNS sithon, seip min dih kiraju.
Kanwil Kemenag Aceh kalheuh jak peubereh 1.243 droe CPNS nyang ka luloih nyan keudeh u pusat mangat ji teubiet NIP (Nomor Induk Peugawe) ka dari tanggai 16/1 baroesa.
"Teuman na sikureung (9) droe teuk nyang hana lom pulang beurkaih administrasi keu panitia." Nyoe Apa kutep bak Liputan Aceh. Meunan geupeugah le Pak Saifuddin, seulaku keupala bagian TU di kanwil Kemenag Aceh uroe Aleuhad baroesa. Meunyoe dari jalur honorer na sidroe nyang hana lom pulang beurkaih.
Nyan neukalön, ci tanyöng beujeulaih siat bak nyang ka luloih tapi hana dijak pulang beurkaih. Bah Apa culok aneuk kumuen Da Mulah Apa sidroe keu geulanto nyang hana ji pulang beurkaih nyan. Mangat bagah ji meukawen ju. Gadoh ji peugah hana buet, han seip keu jeulame.
Geupeugah le Pak Saifuddin bagi nyang gohlom pulang beurkaih, pulang ju beubagaih. Tanggai 5/2 uroe nyoe seuneulheuh. Adak tanggai mirah ,uroe raya awak Cina (imlek), panitia CPNS hana pree sit, demi keu ureung nyoe nyang keuneuk pulang beurkaih, neukiraju.
"Lheuh nyan mandum, baro eunteuk ta peuteubiet SK pat penempatan tugaih. Watee ka ji teubiet NIP singöh." Nyan ban neukiraju kheun Pak Saifuddin.
Dari 1.250 droe CPNS nyang ji peurle le Kemenag Aceh, cuma na 1.243 sagai ureung. Tujoh droe teuk kosong. Hana soe nyang luloih aleh hana soe daftar, bak posisi guru peulajaran Prakarya. Kakeuh meunan ju.
Nasaja kiraju dum, ka luloih han ji daftar ulang. Aleh pu ji peuset dum hinan. Aneuk kumuen Da Mulah, abeh kameng sineuk bak ji meuhajat, tan sit luloih kiraju.
0 Response to "Pu Ji Peuset? Ka Luloih CPNS Kemenag Aceh, Hana Ji Intat Beurkaih Lom"
Post a Comment