Aneuk Dayah Lam Ateuk Jak "KKN" Keudeh u Selangor, Malaya
Nasaja Berita – Aceh Rayek, Nyan neu kalön, bek neupike greu ureung dayah. Meunyoe mahasiswa KKN u gampong-gampong nyang na di Aceh. Aneuk dayah keudeh u Malaya geujak KKN. Meunan Apa baca berita bak Liputan Aceh baroe supot neukiraju.
Teungku-Teungku nyang mantong lam beut bak dayah Darul Muarrif Lam Ateuk, atawa Dayah Abu Mamplam Golek nyang ka jithee le donya, sit memang na keurijasama deungon Pesantren atawa dayah atawa Pondok meunyoe awak Malaya kheun., bak Pondok Bustanul Arifin, Banting, di Selangor, Malaya. Nyoe kali keudua ureung nyoe jak. Jak kalinyoe, gantoe awak awai nyang ka seuleusoe sideh ka sithon.
Munurot geupeugah le Teungku Amiruddin seulaku ketua rombongan, "Nyoe jak nyoe keu wujud anyoe komitmen keurja sama. Dan pih rayek that maslahah keu aneuk dayah dan teungku-teungku dayah supaya meutamah wawasan, deungon tajak u nanggroe gob. Seubab nyan ka pasti, beda teumpat, beda sit masalah. Pu lom dua uroe teuk, awak nyoe jeut keu guree. Pu keuh lam dayah, atawa lam masyarakat singoh."
Meunan sit le Mudir, atawa pimpinan nyang na bak Pondok Bustanul Arifin di Selangor, Malaya nyan. Teungku Useutad Ihsan Maulana, that brat ju seunang geuh. Sit ka geu preh-preh torh lom ureung dayah dari Aceh. Pu lom seulama di Malaya, ureung nyoe seulaen geu beut, juga geuseumeubeut. Sit that brat ju meubantu pondok. Nyan ban neukiraju.
Geupeugah le Teungku Useutad Ihsan Maulana nyan, "Kamoe sinoe that meuhawa keuneuk meubuet lam neubeut lagee neubeut dayah di Aceh. Kurikulum kamoe hawa beulagee kurikulum di Aceh. Nyoe ka troh santri senior, sit that bereh kiraju." Meunan lah kira-kira haba dari useutad nyan.
Nyan neu kalon, bek greu watee neukalon ureung dayah. Sit ka hayeu ju. Dari awai kon sit ka hayeu, cuma geutanyoe mantong hana ta teupu. Laloe ta baca bhah pu laen. Nasaja kiraju.
0 Response to "Aneuk Dayah Lam Ateuk Jak "KKN" Keudeh u Selangor, Malaya"
Post a Comment