Donald Trump Arakate, Plok Aqua, Ji Peugah Sajadah. That Teuga Olah Hoax

Nasaja Berita – Amerika Serikat, Presiden Amerika Donald Trump, bak uroe jeumeu’at tanggai 18/1, baroe ji share saboh artikel berita, dari situih web Washington Examiner nyang deuh lam berita nyan na si Tom awak rabe-rabe kameng di neugara bagian New Mexico. Wilayah nyang langsong meubataih ngen neugara Mexico. Si Tom awak rabe kameng nyan teumakot jih, seubab na sajadah seumbahyang ureng islam nyang ji teume bak gurun batas nanggroe. Maka meu ji lapor teuk bak polisi.

Gurun Pasir nyan di likot weu kameng jih.  Ret nan biasa lewat imigran gelap, ken gelap mate lampu lam badan, tapi gelap hana surat, hana dokumen, illegal ji kheun le awak nya. Rap tip uroe tuhan na ureng jak tamong u America dari Mexico. Meunan kira-kira asoe berita nyang di share le si Trump Arakate presiden Amerika Serikat nyang that meu Yahudi akai jih nyan.

Sinoe neu baca berita Olah Si Trump Ji Peudaleh Ureung Iseulam

Si Tom rabe kameng nyan di lapor bak The Washington Examiner uroe Aleuhad baroe na lewat ureng dum ret likot weu kameng jih. Macam model na ureung, Cina, Jerman, Rusia, le sit ureung dari nanggroe Arab, Timur Tengah, na awak Cekoslowakia sit. Nyan awak nyan awak nyang meuteume plueng wate operasi intelijen baroesa. Jadi ji teubiet u Mexiko siat.

Meukaru teuk dum awak peulitek internasional lam donya nyoe. Seubab le that hana jeulaih dan janggal lam berita nyan. Awak peulitek internasional dan HAM donya ji anggap nyan sandiwara peulitek si Trump. Seubab Warga Neugara Jerman jilindong le neugara Amerika. Awak Jerman jeut meu wet-wet di Amerika sampe 3 buleun, hana visa. Na perjanjian awak Jerman ngen Amerika. Awak Indoneh bek coba-coba. Han meuteume woe u nanggroe, ji sak lam sel lagee lam phelem.

Nyang keudua, aneh jih pakon na Cekoslowakia. Padahai Cekoslowakia ka bubar jeut keu nanggroe Republik Ceko dan Slovakia dari thon 1993 uroe nyan. Dan ban dua nanggroe nyan lagee Jerman sit, roh lam skema pengabaian visa atau bebas visa America 3 buleun.

Dari laporan bak koran le si Tom nyang rabe-rabe kameng jeh, si Trump arakate Presiden Amerika nyan seubeutoi jih keuneuk fokuih keu ureung Arab wilayah Timur Tengah. Makajih ji ku’uk teuk masalah tika mushala atawa sajadah seumbahyang. Deuh that seubab yang that si surak lam pidato jih bhah ureung islam. Ukuran ube-ube raya jihah babah, teusuet lidah-lidah jih arakate nyan.

"Pertei awak jak u amerika ret blah u tunong (Mexico nyan na keuh dari macam-macam neugara, le that  imigran nyang tamong nyan jet keu masalah rayek bagi geutanyoe that yo teuh neukiraju." Nyan ban haba si Trump.

Menyoe han neu pateh ata geu teurjemeumah le Abu West dan na rencana baca berita asli lam bahasa inggreh neu klik laju sinoe bak huruh teubai warna biru nyoe. ata bak Dailymail Sinoe hai neu klik.

Meunyoe bak berita asli nyang di tumeung plok aqua, ata ureung jak lam gurun. Tapi jipeugah nyan sajadah seumbhayang ureung iseulam That teuboh awak si Tom ngon si Trump nyan. Mandua jih arakate. Meunyoe bak berita asli di peugah awak philipina nyang lewat, Teuman nyang jeut keu meudaleh pakon ka awak Asia nyang muslim dari  Arab Timur Tengah. That teuga di olah berita le awak pusat di Amerika mangat jeut ji let ureung iseulam dari Amerika dan top perbatasan Amerika Serikat-Mexico.

Nyan ban laporan dari Abu West di Amerika. Kop bereh ka nasajaberita.com ka na responden langsong dari Amerika. Apa Raban olah ju beupaih, peu ek keunoe dan bak @nasajaberita_ that bereh kiraju.

Share this post