Bupati Bireuen: Sok Baje Dinaih, Meucewek Mantong Lakee Peng Bak Mak
Nasaja Berita – Bireuen, Nyan ban haba di Bupati Bireuen Teungku Haji Saifannur uroe Seulanyan tanggai 21/1 baroesa bak watee geu lantik penguroih karang taruna kabupaten Bireuen. That meusipak tuto geuh haji Phan.
Geupeugah le Pak Bupati nyan, lawet nyoe aneuk geutanyoe Aceh, tanda sukses sidroe-droe ureug nakeuh jeut keu PNS. Nyan kajeut böh mandum pikiran model nyan. Peu pö lam abeuk keudeh. Aneuk muda beu gigeh, bek bagah that rhöt seumangat.
Pu lom nyang kalheuh geupeujak sikula, kuliah le ureung chiek. Beu caröng mita peng. Bek gadoh harap bak pemerintah, jak honor, jeut keu PNS. Nyanban neukiraju.
Sinoe neu klik neu baca Bupati Bireuen Tham jep Kupi Sampe Teungoh Malam
"Jameun ta lake bak ureung chiek beu geupeujak kuliah. Hanjeut di Matang, beu u Banda Aceh sitm abeh peng urueng chiek ubee na. Tamat kuliah, ka ta yu olah lom bak ureung chiek, yu mita syedara mangat ek geulobi lam kanto pemerintah. Jeug keu honorer. Nyan na nyang sampe limong blah thon lom honor. Abeh wate-wate ubee na. Peng meu keu minyeuk honda han sep." Meunan lah kira-kira haba Bupati Bireuen, nyang biasa ji turi nan Haji Phan atawa Toke Phan. Ureung kaya d Bireuen nyan. Proyek jalan rata sagoe gobnyan mat. Rumoh mantöng ka lagee seumijid, meunyoe dari arah Bireuen tajak, goh troh u Matang lom, blah uneun teuh.
Geusambong lo le Haji Phan, "Nyang brat lom meupeunyaket, lheuh ji honor bak pemeritah, pakek baje dinaih. Peng jak meucewek pih mantöng lake bak Mak." That gawat haba Haji Phan neukiraju. Bah pih le ta kalön nyang meunan-meunan memang lawetnyoe. Adak Apapih seureng meukalön dum. Pakek baje dinaih abeh gaya dum. Rukok ngön kupi rata sagoe meuutang. Alasan hana gaji lom, ji rapel, lhee buleun si gö. Watee ji peusapat haji lhee buleun, han glah meu keubayeu utang pih.
That teuböh ka aneuk muda lawet nyoe. Hana kreatif sagai. Mulai lahee ji peu abeh peng Yah jih, sampe ka ji keurija mantöng ji dahöh peng bak Yah jih. Meunan meunyoe tuto gasa ureung bak keude kupi kheun bak geurawi haba Teungku Haji Phan. Beurtoh ji khem ureung deungö. Cikok pruet geuh dum ureung, prok-prok jaroe lom. Padahai lam kawan nyan na sit nyang model nyan. Hana thee droe.
Adak meulagee Apa, ta jak catok-catok tanoh blang na sit. Ka han kaya teuh, nyang utang han that teudöng dumnan sit. Nyan ban kiraju. Awai Da Mulah na geujak honor-honor. Han Apa bie le, abh umue abeh teunaga, peng teubiet nyang na. Meunan mumee keu sinyak, langsong geupiyoh di Da Mulah Apa meutwah neukiraju.
Apa baca berita nyan bak Acehtrend ata geutuleh le Muhajir Juli.
0 Response to "Bupati Bireuen: Sok Baje Dinaih, Meucewek Mantong Lakee Peng Bak Mak"
Post a Comment