Bantu Ureung, Teungku Dayah Peugot Yayasan SAPEFAM
Nasaja Berita - Lhoksukon, Ka meutamah jroeh laju nanggroe meunyoe, sabee droe ka ta tem meupadoli. Jinoe ka na yayasan baro lom untuk jak bantu ureung gasien nyang na lam gampong. Seubab lawet nyoe Apa kalön, kön hana soe bantu ureung putoh dum. Tapi hana meupakat watee bantu. Jadi jih kakeuh meunan, cr'et keunoe bacut, cr'et keudeh bacut. Akhee buet, ubiet that manfaat bagi nyang teurimong.
Jinoe kana SaPeFaM nakeuh saboh yayasan baro nyang geugrak le para Teungku-Teungku dan rakan-rakan nyang na di wilayah Lhoksukon. Ban mantöng na, lam buleun wablah thon waribe lapanblah (Desember 2018). Geu mulai peugöt yayasan nyoe meuseubab sayang meukalön aneuk-aneuk dayah nyang putoh beulanja. Lagee contoh keu Teungku Halim nyang ka geujok bantuan uroe Aleuhad baroe. SaPeFaM nan bereh ju meunan neukira ju. Bah pih kadang watee ta kheun meubalek-balek siangen, jeut keu Sabepam. That susah teuh bak ta peutimang lidah geutanyoe Aceh, meupleu ju meunan bahsa. That na teuh.
Sinoe neuklik neubaca berita bhah Teungku Halim
Meunurot Teungku Andi Aziz seulaku salah sidroe dari anggota Sapefam, Yayasan nyoe geupeudöng lam buleun Desember baroe, bak dayah Madinatutthalibin, gampong Meunasah Aron, Muara Batu, Aceh Utara. Sumber dana untuk geusalurkan dari seudeukahbdan sumbangan anggota. Sep ngön siploh ribee rupiah (Rp.10.000,-) tanyoe ka ta bantu agama. Meunan kira-kira nyang jeut keu slogan ureung Sapefam nyoe. Seubab lam sibuleun tagihan wajeb keu anggota siploh ribe rupia. Ukuran waboh glah kupi uleekareng sagai. Meunyoe kupi di gampong meuteume lhee boh glah, bada sikrak.
Meunurot info dari Teungku Musliadi seulaku keutuwa Yayasan atawa Teungku Mus, kalinyoe bah ta fokus keu aneuk dayah, beurangkari dayah jeut, pat nyang hawa dijak, asai lam beut, lam donya pendidikan. Seubab ijih nah, asai ka fokus ka bereh. Jeut rayek na manfaat keu ureung teurimong. Target ureung nyoe lam sibuleun Limong Reutoh Ribee sibuleun, wajeb jak santuni aneuk dayah nyang gasien-gasien dan hana sapu na.
Keu info teuntang SaPeFam atawa Santunan Pendidikan Fakir Miskin jeut neu kalön bak halaman pesbuk.
Sinoe neu klik, langsong keudeh bak halaman ureung nyan. Sinan leubeh info, bahkan keu rakan dan syedara Apa Raban nyang keuneuk ikot bantu atawa hawa beuroh keu anggota keunan ju neu hubungi.
Sinoe Apa tuleh bacut meunyoe na rencana keuneuk transfer peng, keunoe lam rekening bank
Cut Kak Putri Eriska ju ile.
Bank BRI Lumboi Rekening 380101025101535
Nyan ban kiraju. Bek neu peubree le, asai na tamöng gaji, hana neutuho jok keu bantu ureung gasien, neu kire ju keunan. Adak meu siploh ribee jeut. Pu lom siploh juta, sit that brat laju jeut. Nasaja kiraju.
0 Response to "Bantu Ureung, Teungku Dayah Peugot Yayasan SAPEFAM"
Post a Comment