TEUNGKU FPI PAKAT UREUNG ACEH MEUPRANG LOM NGÖN RI
Nasaja Berita — Bireuen, Abeh lagee teuh di Teungku FPI lon kali nyoe. Nibak acara peringatan damee MoU Helsinky di Teungku malah geupakat ureung Aceh untuk meuprang lom jak lawan RI. Na pu teuh.
Meunyoe bak acara peringatan pat laen biasa jih Teungku-Teungku ceuramah peugah geu yu jaga perdamaian. Meuhai that yum damee di Aceh, meu ribee matee ureung masa konflik dan han ek ta bileung aneuk yatim ngön inong janda nibak masa nyan.
Ketua FPI Aceh, Teungku Muslem memang ji thei kreuh geu peugah haba lam orasi-orasi.
Acara peringatan damee nyoe geupeuget di Matang Glumpang Dua, ji thee mangat satee di sinan, bak komplek terminal Matang. Blah u timu seumijid Peusangan.
Kheun Teungku Muslem, "Pu na pakat ta meuorang lom, meunyoe pemerintah Indonesia hana direalisasikan butir-butir yang na dalam MoU Helsinky? Allahu Akbar. Ji seu ot le jama'ah droe geuh laen, "Allahu Akbar".
Teuman na sit sidroe dua ureung jaweub lam ruweung igoe (han geuteujeut raya that geu meusue takot ji poh lam kawan ramee), "Neujak droeneuh ikeu Teungku, bah kamoe i likot."
Na sit nyang khem ureung deungö nyang duek bak keudee kupi Selat Malaka, blah deh jalan, "Euh hai pakat meuprang, jameun hoe neuh, i kei nah sampoe inoehat jrat ku kuh hana meupat lom".
Pokok jih reaksi ureung macam-macam neu kira ju. Le nyang hana galak meunyoe lagee nyan haba bak acara peringatan damee. Lom pih awak meuprang jameun, jinoe ka laloe ngön peng griek.
Teuman na nyang lucu, haba ureung nyang rawi berita nyan bak Apa Raban baroe supot. "Beude ka abeh ta koh jameun, ngön pu ta keuneuk meuprang, ngön igoe teuh." Apa Raban ngön Apa Dolah watee meujep kupi rap-rap teurhok neu kira ju. Sampe meubalek töt rukok, roh meu töt puteng. Alah pih samsu, hanjeut keu hai.
Nasaja Berita neukiraju. Nasaja keujadian. Lam-lam ruweung geu mita karu. Nasaja kupeugah.
0 Response to "TEUNGKU FPI PAKAT UREUNG ACEH MEUPRANG LOM NGÖN RI"
Post a Comment