RUPAJIH MOTO ESEMKA JOKOWI JI RAKET LE PT ACEH
Nasaja Berita — Boyolali, Na syök teuh, rupajih moto esemka nyang ji ata Jokowi peugah-peugah nyan PT ACEH nyang produksi.
Teuman suah ta kalön beu nyata ile, pakön na PT ACEH sideh di Jawa dan awak keurija hana nyang awak Aceh, nyan keubiet gura. Rupajih PT ACEH na keuh singkatan dari PT Adiperkasa Citra Esemka Her, nyang watee disingkat nan jih Aceh.
Karap seunang teuh sare di geutanyoe Apa Aceh bak kalön na PT peuget moto di Jawa. That geu p'uep dah.
Pabrek atawa PT ACEH nyan hana lom get lheuh, mantöng lam masa pembangunan, luah tanoh pabrek nyan 12 hektar. Ukuran meunyoe ta pula bakong dan ta teume panen dumnan luwah tanoh, kaya ijoe teuh. Meunyoe i teume drop le Peulisi pih phak teuh lam peunjara.
Sampe inoehat hana ji brie tamöng lom lam PT nyan. Bek 'an tanyoe dari Nasaja Berita, dum tingkat awak CNNIndonesia i yu "peutak balek kiri grak" le satpam pabrek nyan.
Teuman nyang hireun awak droeneuh, kok bisa na ta Apa Raban teupu nyan kön hoax, kön nyoe meunan? Jadi nyan info dari Apa Leman nyang teuga that baca berita CNNIndonesia. Awak CNNIndonesia nyan ji teume info bak instagram salah sidroe ureung nyang kheuh jak keunan. Dan na bukti foto. Ata bak akun si Suryadi, watee ji tanyöng le awak CNN nyan ji peugah jih i tamöng lam pabrek nyan seubab ji wakili kampus, politehnik ATMI Surakarta untuk jak undangan bak masa nyan. Awak politehnik dari Aceh aleh na ji undang hom.
Teuman si pu nyang bek neu tanyöng, pakön asai ka rap pileh Presiden ka leumah lom moto esemka meutuwah nyan. Bek 'an Apa Raban, meu dum Apa Leman pih hana geuteume jawaban lom. Nasaja Berita pokok jih.
0 Response to "RUPAJIH MOTO ESEMKA JOKOWI JI RAKET LE PT ACEH"
Post a Comment