Aneuk Trueng Geuh! Lam si Buleun, Nikita Mirzani 2 Miliar Abeh Peng
Nasaja Berita - Jakarta, Hana ubat kiraju awak nyan. Aleh hana yum peng bak jih. Di geutanyo nah, 2 juta peng, jiteume cikok keu ieng teuh bak ta mita, di jih mangat that jipeugah peu abeh peng 2 miliar lam sibuleun. Sang karap seugitu sahoe ngon pemkab di Aceh abeh peng lam sibuleun. Meunyo poemerintah Aceh ka teunte leubeh bak nyan. That nah teuh kiraju.
Meunurot jieugah, si Nikita Mirzani nyan le abeh peng seubab teuga that jimeugaya. Hai jibloe barang mantong meunyo kon merek internasional, han jitueng. Beda ngon awak geutanyoe, meunyo kon wareuna mirah atawa meuble-ble lam uroe tarek, pulang peng.
Bak channel youtube si Billy Syahputra, na di wawancara si Nikita Mirzani nyan. Jipeugah le jih, "Hai nyan tergatung [aleh pu nyang meugantung pih hom. That paloe!], meunyo ka hawa keu jeum sit memang meunan idroekuh. Nyan kadang trok 2 miliar." kheun jih.
"Teuman meunyo cuma bloe taih atawa rukok, boh pane na trok dum nan," kheun jih lom. Kakeuh di yup nyan bacut. Si Miliar sagai. That reuloh si nong nyan, dum keu taih ngon rukok pih sang meu si miliar sit abeh peng. Trok bak jeum 2 miliar. That jipeugot buet. Apa meubloe jeum keu Da Mulah, seuritoh ribee, nyan pih ka lapan go gantoe batre ka.
"Teuma meunyo keu seutandar, hana bloe sapu nyan meumada 40 juta sagai." Nyan tuto si nong nyan. Teuman kon krak biet. Dum hana jibloe sapu, dum nan abeh peng. Han ek ta pike peukateun ureueng kaya.
"Hai nyan murah, dum 40 juta nyan. Ka roh keu bayeu liseutrep bayeu gaji pembantu, peugleh kulam, bayeu sikula aneuk miet, ngon keu asoe dapu dan minyeuk moto." nyan ban bak jipeutrang, jipeutren boh thek-thok.
Keubiet han trok pikeran Apa keu jih nyan. Hana yum peng. Adak meu jibrie keutanyoe meubacut, padum boh rak meukat pisang gureng ka ek ta buka cabang. Alahai inong meutuwah,.
0 Response to "Aneuk Trueng Geuh! Lam si Buleun, Nikita Mirzani 2 Miliar Abeh Peng"
Post a Comment