Turnamen Voli Ureung Inöng Tati Meutia Cup, 12 Boh Tim Siap Ikôt
Nasaja Berita - Banda Aceh, Nyan hai berita keu ureung galak nonton awak meu'en voli. Kalinyoe na 12 boh tim nyang ikôt lam turnamen bola voli Tati Meutia Cup 2019. Hadiah total lam turnamen voli kalinyoe 10 juta rupiah.
Voli kalinyoe, kön keu ureung agam beh. Tapi keu ureung inöng. Mulai tanggai 18/12 baroe sampo tanggai 22/12 lusa. Teumpat tandéng kalinyoe bak lapangan Asrama gabungan Keutapang.
Meunurôt keutua panitia Haris Tandi peugah, turnamen kalinyoe na 12 boh tim nyang ikôt. Dan ta mulai nibak uroe Rabu 18/12.
Na tim Perkasa, GKVC, Promes, BRN VC, Bea Cukai, Kehutanan, Blang Oi, Bhayangkari, Lambung, Crahne PU, Power dan PJVC.
"Nyoe turnamen nyoe untuk ta saréng dan ta piléh atlit putri." Kheun Haris.
Nyan ban neukalön, adak ureung inöng na sit meu'en voli. Kön ureung agam mantöng. Teuman di ureung agam pu keuh na rencana jak nonton, jak ju. Keu tiket hana geupeugah padum. Apa baca bak Acehimage bunoe beungöh.
0 Response to "Turnamen Voli Ureung Inöng Tati Meutia Cup, 12 Boh Tim Siap Ikôt"
Post a Comment