Baitul Mal Pidie Jaya Bagi Jakeut Sa Koma Lapan Miliyar, Keu Mualaf Pih Na
Nasaja Berita - Pidie Jaya, Nyan ban, ka brat meutuwah poemerintah Pidie Jaya. Terutama that keu Baitul Mal kabupaten nyan. Uroe Seulanyan (23/12) baroe ureung Baitul Mal ka geusalurkan jakeut keu 14 droe mualaf nyang na di Pidie Jaya.
Geupeugah lé Pak Marzuki, Keupala Baitul Mal Pidie Jaya, ureung mualaf nyang na di Pidie Jaya akan geuteurimöng jakeut tiep thôn seulama lhèe thôn ukeu nyoe.
Geupeugah, tiep mualaf lam sithôn akan geubrie 2 juta rupiah. "Bataih ta brie jakeut keu mualaf nakeuh 3 thôn. Dan tiep thôn ta brie 2 juta rupiah." Kheun Pak Marzuki.
14 droe ureung mualaf nyoe na tersebar nibak tujôh boh kecamatan. Di Meureudu na sidroe, di Pantéraja na sidroe. Di Meurah Dua na lhèe droe, di Ulim pih na lhèe. Padum ka? 8 sang. Ci tamah siat. Bèk salah eunteuk.
Lheuh nyan na dua droe di kecamatan Bandar Dua, Bandar Baru na dua, di Treinggadéng na dua droe teuk. Ci kira.pu beutôi 14? Matematik Apa kureung siangèn, mirah sabé bak rapor watèe jak sikula jameun.
Nyang ka teuntè kön keu mualaf mantöng geupeutrôk jakeut lé poemerintah Pidie Jaya. Keu seunèh laén na sit. Nyan geuseurahkan langsông lé Pak Waki Bupati Pidie Jaya, Said Mulyadi di geudông Tgk Chik Pante Geulima.
Na keu fakir miskin, fakir uzur, santri miskin, gharim, ureung cacat, majelis taklim, yatim piatu, panti asuhan dan MUQ.
Total nyang teurimöng jakeut dari Baitul Mal Pidie Jaya thôn nyoe mandum na 5.430 droe. Total jakeut nyang geusalurkan hana kureung bak Rp 1.803.634.900. (Sa koma Lapan Miliyar leubèh siangèn.
Meunan Apa baca bak AJNN bunoe beungöh.
0 Response to "Baitul Mal Pidie Jaya Bagi Jakeut Sa Koma Lapan Miliyar, Keu Mualaf Pih Na"
Post a Comment