Si "Jol Intel" Keunong Beureukah Bak Peulisi, Peugah Droe Awak BNN
Nasaja Berita - Lhoksukon, Polsek Syamtalira Aron beuklam jibeureukah salah sidroe peurampok nyang na di kawasan nyan. Gara-gara jijak reupah honda salah sidroe warga Tanah Pasir, Aceh utara. Nyang gura jih watee jireupah honda gob, jipeugah droe jih intel.
Sang awai na jiikot tes peulisi, teuman hana lewat, makajih hawa jijak peu intel-intel droe, that geup'uep daih kiraju akai.
"Salah sidroe dari dua droe peulaku, ka ta drop, nan jih si Jol, leungkap jih Zulfahmi, awak Birem Rayek, kecamatan Birem Bayeun. Seukalian ngon bukti, honda saboh." Kheun Pak Kapolsek, Sudirman.
"Personel geutanyoe na jibantu le awak tim Opsnal dan Sat Intel Polres Aceh Utara. Ta beureukah si gam nyan bak rumoh cewek jih, di gampong Ampeh, Tanah Luas, Aceh Utara. Nyang meutamah gura lom, watee ta beureukah, jimeungaku droe jih awak BNN (Badan Narkotika Nasional)." Lanjot Pak Kapolsek watee geucalitra keujadian nyan.
Tapi mandum nyan sulet mandum. Akai mansaboh tuboh kiraju. Bak korban jingaku intel, bak peulisi ka jipeugah droe jih BNN. That geusoh min dih. Nyan bak rumoh cewek jih lom keujadian. Na can han jadeh kawen ngon cewek nyan kiraju.
Jinoe si Jol ka ji peuaman di polsek, eunteuk akan geu hu jih keudeh bak mapolres.
"Keu bukti, na honda jeuneh suzuki, Satria F wareuna itam." Kheun pak Peulisi nyan.
Sidroe teuk rakan jih teungoh geupeucrok sit. Nyan preh-preh mantong jibeureukah si gam nyan. Seubab ka meusoe ureung, nan ka meusoe, rumoh ka meupat.
Meunan Apa baca bak AJNN bunoe.
0 Response to "Si "Jol Intel" Keunong Beureukah Bak Peulisi, Peugah Droe Awak BNN"
Post a Comment