Ka Meuramah! Mualem Jimeuhei Le Komnas HAM u Jakarta
Nasaja Berita - Banda Aceh, Nyan ka gura biet, teukeujet-keujet teuh kiraju lawet nyoe. The-the meunan ta teume berita mantan panglima GAM geutanyoe awai Mualem atawa Muzakir Manaf kalinyoe ka jimeuhei keudeh u Jakarta untuk bhaih Pelanggaran HAM Berat, watee kasuih jameun di Timang gajah, Bener Meriah. Aleh pu keujadian jameun nyan pih hana teuingat teuh le. Adak teuingat teuh pih ka meuhie tuwo teuh.
Nyan ta teupu seubab ka abeh jishare le awak nyoe gamba surat panggilan nomor 258/SP_Aceh/IX/2019 tanggal 23 September 2019, Muzakir Manaf jilakee le awak Komnas HAM beutroh dan hadir bak uroe Seulanyan baroe tanggai 7 Oktober u kanto Komnas HAM RI di Jakarta Pusat sekitar poh 10.00 WIB.
Lam surat nya, Muzakir manaf atawa Mualem jimeuhei lam rangka jijak pareksa le awak nyan bhaih penyelidikan Proyutisia seusuai deungon pasai 9 ayat 1 huruf D UU No 26 thon 2000.
Surat nyan jitandatangan le Ketua Tim Adhoc penyelidikan pelanggaran HAM berat di Provinsi Aceh, Khairul Anam.
Lagee tanyoe teupu saban-saban, bagi nyang teuu, nyang hana teupu kakeuh hana ju, Komnas HAM kalheuh jibentuk tim Adhoc untuk jak selidiki pelanggaran HAM brat di Aceh . Na SK sit awak nyan.
SK Nomor 018/KOMNAS HAM/XI/2013 tanggai 8 November 2013 nyang seuneulheuh jipeupanyang ngon SK Ketua Komnas HAM No009/KOMNAS HAM/VII/2019 tanggai 2 Juli 2019.
Meunan Apa baca bak AJNN beuklam. brat teukeujet Apa neukira ju. makajih adak beurangkaban, suah Apa tuleh meubacut.
0 Response to "Ka Meuramah! Mualem Jimeuhei Le Komnas HAM u Jakarta"
Post a Comment