Tastafi: Beu Ta Teupu Le That Leubèh dan Utama Lam Buleun Muharam
Nasaja Berita – Banda Aceh, Lagèè biasa nibak malam Sabtu tiep awai buleun na beut sajan Abu Mudi di Mesjid Raya Baiturrahman, Banda Aceh.
Untuk tema kalinyoe geucok keumuliaan buleun Muharam. Mulai dari pu ibadah nyang harôih ta pubuet, seureuta pu na keujadian nibak buleun nyan seulama umue masa donya.
Nyoepat na bacut catatan ata aneuk kumuen kirém, seulaku na hadir nibak majeulieh beut nyan.
1. Hikeumah puasa asyura, Allah peuampôn desya sithôn.
2. Hikeumah puwoe beulanja uroe asyura, Allah peulapang raseuki sithôn.
Teuman na teubayang dum töh le desya lam sithôn. Dum lam si uroe leupah le desya teuh. Mulai ta bleut phôn bunoe suboh (kadang sit suboh-suboh tan) sampoe inoehat han sanggôp ta hitông. Alah ma beh teuh.
Teuman keu mangat beda siangèn ngön ureung Yahudi, maka geuyu puasa bak uroe sikureung atawa geukheun tasu'a. Meuhan bak uroe siblah pih jeut. Mangat bèk tasyaboh, saban ngön awak yahudi.
Teuman keu mangat beda siangèn ngön ureung Yahudi, maka geuyu puasa bak uroe sikureung atawa geukheun tasu'a. Meuhan bak uroe siblah pih jeut. Mangat bèk tasyaboh, saban ngön awak yahudi.
Cara jih na dua nyang geupeurnoe lé nabi. Nyang phôn that deungön ta puasa lam buleun Muharam teurutama uroe keu siplôh ('asyura). Dan beu le ta puwoe beulanja keu ureung i rumoh atawa keuluarga. Keu mak ngön yah, keu adoe aduen atawa a teuh i rumoh. Meunan sit keu aneuk cucoe meunyo ka na. Bèk yöe neuh, mandum Allah tamah singöh. Lheuh Allah tamah rahmat ngön raseuki, Allah brie pahala lom ubé raya. Ampôn desya sithôn.
Nyan neukalön nasaja cara Allah brie jalan mangat mudah dan seunang tanyoe makhluk, hamba Allah nyang jeut keu ummat nabi.
Leubéh uroe 'Asyura lam seujarah umue donya, saat Allah neuucipta seugala jeunéh makhluk. Lam uroe 'Asyura nakeuh:
1. Uroe Allah cipta langet dan bumoe.
2. Uroe Allah cipta Lauh Mahfuzh (papeun program udép seugala makhluk) ngön Qalam (pena nyang tuléh ma kana wa ma yakunu).
3. Uroe Allah cipta bintang dan gunông.
4. Uroe Allah cipta Nabi Adam.
5. Uroe Allah cipta surga.
6. Uroe Allah peutamöng Nabi Adam lam surga.
7. Uroe Nabi Ibrahim na sinyak, nyakni Nabi Ismail.
8. Uroe Allah peuseulamat nabi Ibrahim dari apui raya raja Namruz.
9. Uroe Allah pengop Fir'aun lam laôt mirah.
10. Uroe Allah peupuléh Nabi Aiyub.
11. Uroe Allah teurimöng taubat Nabi Adam.
12. Uroe Allah peumeu'ah Nabi Daud.
13. Uroe Allah peuteubiet Nabi Yusuf lam peunjara.
14. Uroe Allah peuteubiet Nabi Yunus lam pruet eungköt paôh.
15. Uroe Allah peugisa keurajeun Nabi Sulaiman
16. Uroe Allah peu ék Nabi Idris u langèt untuk jak kalön surga.
17. Uroe Allah peuakhé umue donya atawa uroe kiamat.
Nyan dum le rahmat Allah brie paih bak buleun Muharam uroe Asyura. Makajih beu le ta ibadat bak uroe Asyura nyan, mangat neu preuk rahmat keu geutanyoe umat jinoe. Lam seujarah ubé raya rahmat geubrie keu Nabi jameun paih bak uroe nyan. Jinoe suah ta cok jatah lé tanyoe bacut bak Allah ta'ala.
Seubab geupeugah lé Nabi, lheuh buleun Ramadhan, nakeuh Muharam nyang paléng meuyum lam siblah boh buleun nyang laén.
0 Response to "Tastafi: Beu Ta Teupu Le That Leubèh dan Utama Lam Buleun Muharam"
Post a Comment