Prof Rizal Ramli: Aceh Nyan Hanjeut Ta Cok Keu Contoh
Nasaja Berita – Jakarta, Geupeugah lé Pakar Ekonomi Rizal Ramli meunyo keuneuk peubèrèh masalah nyang na di Papua dan Papua Barat hanjeut meunan-meunan atawa seucara simbolik sagai. Otonomi khusus hidéh hana efektif, seubab rayek that peluang untuk jikorupsi.
Meunan nyang jipeusampoe lé Rizal Ramli lam acara Indonesia Lawyers Club (ILC) deungön tema Papua: Mencari Jalan Terbaik di TVOne nyang memang beda, Selasa (3/9/2019).
Pakön jiteujeut peugah meunan lé Rizal Ramli nyan, seubab kalheuh jikalön kiban Aceh. Beliau nyan geucok rujukan u Aceh. Meunurôt Pak nyan Aceh nyan hanjeut keu contoh dan bukti otonomi khusus nyan meuhasé.
Seubab meunurôt Rizal Ramli, pelaksanaan otonomi khusus atawa otsus di Aceh nyoe han jeut takheun berhasil. Jiôh that dari harapan.
Seubagoe provinsi nyang teumeung mandat peujak otsus dan nyang teurimöng pèng han löt kapai, Aceh adak meudéh hana lé gasien. Hai pèng leupah le ka jibrie lé Indoneh, kön han mungkén lé gasien meunyo ka le pèng.
Jinoe di Aeh lheuh jeut keu propinsi nyang paléng gasien di Sumatera, abgka pengangguran pih meujungkat. Leupag le ureung hana buet.
Nyan mandum nyan meunurôt Rizal Ramli sit tok gara-gara teuga that korupsi elit-elit nyang na di Aceh.
Geupeugah lom lam kesempatan nyan lé Rizal Ramli, meunyo peurlè peubèrèh masalah Papua, maka contoh neugara bagian Alaska, di Amerika Serikat. Hidéh di Amerika nyan tiep buleun ji brie pèng keu warga langsông, keu warga asoe lhôk. Jadi bah pih buet siuroe-uroe geujak u laôt, tapi teutap sép pèng seubab na jijôk lé poemerintah.
"Ci jôk keu awak Papua sijuta mantöng tiep buleun. Jadi meunyo na peut droe lam keluarga maka 4 juta sibuleun keu awak nyan. Poemerintah jeut yu BRI untuk peugöt ATM keu awak nyan. Transfer ju langsông bak rekening warga. Tapi jôk bak mak-mak. Meunyo ta jôk bak ureung agam abéh ji jak peuabéh hana meuhoe. Jak mabok. Kheun Rizal Ramli nyan beuklam.
Teuman adak meujeut ta tanyöng bak Pak Rizal nyan, jameun masa geuduek mentri pu hana geupikè keu lagè nyang ka geupeugah nyan? Pakön inoehat barô geupeugah bak ka hana lé geuduek. That na teuh. Na can jiteupuek lé awak Papua kiraju.
Meunan ata Apa nonton bak video nyang awak nyoe bagikan ata acara ILC beuklam. Pu na peurlè keu video teuman? Neumita ju bak youtube.
0 Response to "Prof Rizal Ramli: Aceh Nyan Hanjeut Ta Cok Keu Contoh"
Post a Comment