Kiban Cara! Ka Thôn 2019 Lam Pasai Inprèh Lhôkseumawè Hana ie Ngön Liseutrék
Nasaja Berita – Lhokseumawe, Awak meukat eungköt di Asai Inpreh Kota Lhokseumawe jak lakè bak poemerintah Kota Lhokseumawe untuk peu na liseutrék lam pasai mangat peungeuh. Lheuh nyan lakè beu na ie sit lam pasai, ie kran.
Seubab seulama nyoe watè beungöh suboh buta phôn jileung lapak meulampu tan bak pasai neukiraju. Beh kiban cara jicang manok ngön sikin, alamat meucang aneuk-aneuk jaroe lam lungkieng pha manok. That geusôh ku dih kiraju.
"Kamoe meulakè, pasai inprèh nyoe beu na lampu ngön ie. Jameun mangat na mön sinoe, jinoe mön ka jitôp. Teuman pat ta keuneuk cok ie ta rhah jaroe." Kheun Bang Tafa nyang meukat eungköt sinan.
Alah hana geusambông lé Apa Baka di geuniréng geuh, "Ka hana ie ka rhah jaroe, ka rhah ngön ie babah. Ujeun pih tan ji tôh." That paloe biet.
Keupala Dinaih Perindustrian, Perdagangan, dan Koperasi (Diperindangkop), that na teuh nan dinaih leupah panyang, Ramli geupeigah lam buleun nyoe geumeujanji akan na sigra liseutrék ngön ie sinan lam pasai inprèh.
"Eunteuk ta kalön pat jeut ta tarék untukpasang, tapasang ju. Meunan lon peugah dan insyaAllah buleun 10 ka na." Kheun gob nyan.
Meunan Apa baca bak AJNN nyang geutuléh lé Kak Sarina lam basa Indoneh.
Hinan di Kota Lhokseumawe basa Aceh uroe Jeumeu'at sagai. Uroe nyoe Lasa, jadi meututô basa Indoneh. Poto ata bak gugel, aleh soe poe jih.
0 Response to "Kiban Cara! Ka Thôn 2019 Lam Pasai Inprèh Lhôkseumawè Hana ie Ngön Liseutrék"
Post a Comment