Kapaloe! Abéh Jitet dan Jireulöh Jambô Ureung Meukat di Panté Mantak Tari Lé Warga
Nasaja Berita – Sigli, Leupah gawat keujadian baroe uroe Aleuhad (8/9/2019) di Sigli rupajih. Hai nyo hai, kiban han roh, abéh lapak ureung meukat di panté Mantak Tari, Simpang Lhè, Pidie jitet dan jipeureulöh lé massa, nyakni ureung gampông nyang toe deungön panté teumpat wisata nyan.
Seugolom trôh ureung gampông ramè-ramè ka awai na trôk ureung seukitaran 6 droe poh seutengöh nam lheuh suboh nyang jak tet lapak ureung meukat nyan. Di lapak pih ngön kayè jipeugöt, bubông ôn meuriya ,teuman kön ka paih. Lam minèt jeut keu abè neukiraju.
Na trôk moto pemadam kebakaran lom, peulisi poh na sit katrôk u teumpat ka jitarék garéh. Police Line jikheun meunyo lam basa Inggréh. Taloe wareuna kunèng nyan.
Meunan karap poh 9 beungöh, meutrôk teuk ureung gampông seukitaran panté nyan, lagè dari gampông Meunasah Lhèè, Gampông Kupula, dan dari gampông Pulo Gajah Maté. Na seukitaran eu 300 droe geujak. Nyang ramè ureung inöng dum. Ka cocok poh 9 geujak, kalheuh geutagun bu ngön seumanoe aneuk miet di rumoh. Meunyo awai bak nyan geujak na can karu di rumoh hana masak kuah keu Yah si Gam geuh dum.
Trôh bak teumpat nyan, meugeuhamok teuk pu nyang na. Abéh geulhöh jambô dum. Leupah brat icaih geuh dum ureung inöng nyan. Sampé trôk bak monumen nyang meutuléh Mantak Tari pih geutakat. That kha ureung inöng Aceh neukiraju. Pantang icaih geuh, pu nyang na di keu geutakat.
"Seubab hana lom na keuputusan dari Pemkab Pidie, makajih baroe trôh teuk ureung gampông u lokasi jak lhöh dum jambô nyan." Kheun Pak Kapolsek Simpang Lhèè, Iptu Mursal.
Watèè ka ramè that ureung nyan, na peulisi lam kawan ji peuaman, supaya bèk abéh pu nyang na.
Seukitaran poh 10.20 masyarakat ka geubeurangkat dum saboh sahoe lheuh jibrie peunjelasan ngön pengertian. Supaya bhaih nyoe ci musyawarah ilè beu göt sabé droe. Geujak woe ju dum, nyang hana woe kadang jak hoe laén na sit. Nyang inti jih ka geujak saboh sahoe.
Mémang bhaih wisata Pantai Mentak Tari nyan ka mulai karu karap dua buleun u likôt. Hana seuleusoe lom masalah. Bahkan warga na nyang hadang ureung jak keunan. Seubab sit ka jitham watè nyan. Alasan ureung gampông sinan jak tham, seubab le that maksit ka sagoe nyan.
Meunan Apa baca bak Beritakini bunoe ata geutuléh lé bang Firman. Leupah kha ureung inöng tanyoe biet neukiraju nah. Nyan nyang hana meuhoe jak lé nibak uroe Minggu atawa Aleuhad atawa uroe pré laén kajeut jak mita panté laén ju. Bèk keunan. Jitet droe-droeneuh lé ureung gampông eunteuk, na pu teuh lom.
0 Response to "Kapaloe! Abéh Jitet dan Jireulöh Jambô Ureung Meukat di Panté Mantak Tari Lé Warga "
Post a Comment