Azhari Cage: Meuka Jihah Ju, Tutô Keutua HIMAS Jakarta Lagèë Èk Geuntet

Nasaja Berita – Banda Aceh, Leupah gawat tutô keutua HIMAS (Himpunan Masyarakat Aceh Simeulue) Jakarta, Ir. Denfinal, MM lam padum uroe u likôt neukiraju.

Hai kiban han roh, jipeugah jikeuneuk musnahkan GAM di Aceh. Pu keuh teulat jaga geuh atawa kiban, GAM ka dari thôn 2005 ka hana tom ta eu lé. Pu keuh nyang mat beudé atawa nyang mat radio. Ureung mantöng, nyang GAM tan lé. Meunan meunyo ureung gampông keumalön, lagè Apa contoh jih.

Teuman seubab meunan tutô Denfinal nyan, Azhari Cage seulaku juu bicara KPA (Komisi Peralihan Aceh) icaih siribè iteungöh kiraju wap nyan.

Geupeugah lé Azhari Cage, nyan Denfinal nyan meunyo tan meuphom bhaih Aceh, bhaih GAM atawa bhaih MoU, bèk meuka geu hah pu nyang jeut ju.

"Bèk lagè ureung wöe-wöen lam teungeut. Meunyo kira-kira han sép darah bèk geujak éh ju. Watè teungeut meu geumeuratôh teuk pu nyang galak, tan geuthè droe." Kheun Azhari Cage.

Lheuh nyan Azhari Cage geupeugah lom, meunyo tutô lagè nyan jipeulheuh lé keutua HIMAS, nyan ka ijak peukaru rimueng éh, atawa jak peukaru eumpung unoe.

"Leupah le mantöng mantan anggota TNA nyang hayeu lam meuprang dan meuseutia. Dan ka padum thôn MoU mantöng geusaba bah pih hana lom udép seujahtra. Bèk sampé nah meuh'op ureung nyoe eunteuk, han meuteumè raba silop kiraju." Kheun Cage.

"Lom pih keutua Ikatan Mahasiswa Simeulue, Isra Fuadi pih kalheuh meuhubungi. Dan jipeugah, tutô Denfinal nyan hana meuwakili rakyat Simeulue. Teuman kön peurséh lagè èk geuntöt lam ie nyan." Kheun Azhari Cage.

Hai meunyo ta peu Aceh meunan lah haba nyang leubèh meukeunöng. Meunyo lam basa Indoneh han that meurasa, han timang sang nah. Nasaja Berita sit ka meunoe gaya, rawi haba rap saban lagè ureung rawi haba lam keudè kupi. Kupi sikhan, rukok sibak, keureupak-keureuphuk geupèh meja bak geucalitra.

Meunan Apa baca bak Acehsatu nyang geutuléh lé bang Zainal ata geurilieh keudroe lé juru bicara KPA,  Azhari Cage.

Share this post