Walikota Langsa Tham Lomba Ék Pineung 17 Agustus, Meu-Belanda That Nyan
Nasaja Berita – Langsa, Wali Kota Langsa, Usmnan Abdullah atawa Toké Seu-um ka geupeuteubiet surat imbauan untuk warga Kota Langsa mangat bèk na nyang peuduek lomba ék pineung di kawasan poemerintahan Kota Langsa, Aceh, nibak uroe tujôh blaih agustuih (17 Agustus) 2019 nyoe. Seubab lagè biasa nyang tanyoe teupu, asai ka uroe tujoh blaih sit ka jilabô seulèndè bak bak pinueng, meu ji yu ék euk ureung jak cok hadiah sidéh di pucôk.
Lam surat imbauan nyan geupeugah, acara lomba ék pineung nyan budaya atawa tradisi keuneubah Belanda peunjajah jameun. Dan hana nilai pendidikan hinan bak buet nyan.
Bagian gilhö kôk ngön lheuh nyan khém ramè-ramè, pu bhaih roh. Hanjeut meukeubuet pih meunyo bak Apa kira, bèk takheun jeut keu raka'at, meu keubuet han jeut neukiraju nah.
Lam surat intruksi Wali Kota Langsa nomor 450/2381/2019 teuntang peringatan Hari Ulang Tahun ke-74 Kemerdekaan Republik Indonesia nyan na lhèè boh poin himbauan ngö intruksi (atawa perintah) nyang geutuju keu ban mandum keupala Organisi Perangkat Daerah (OPD), Geuchiek, ngön Peumimpin BUMN/BUMD.
Larangan atawa haba tham teuntang ém pineueng nyan geupeuduek bam poin nyang keu peut, nyakni keugiatan nyan hanjeut keubuet, keuneubah Belanda meunurôt ta eu seujarah dan pihhana pendidikan sinan meusiangen pih.
Meunyo poin phôn lagè biasa, nyakni pakat ureung terutama ubéna peugawè, pukeuh PNS atawa karyawan BUMN untuk ikôt acara upacara bendera mirah putéh 17 Agustus. HUT RI ke-74 thôn 2019 di lingkungan Pemerintahan Kota Langsa.
Kabag Humas Pemko Langsa, M Husin geupeubeutôi haba teuntang bhaih surat himbauan nyan. "Nyo beutôi na surat imbauan nyang geupeuteubiet lé Pak Wali Kota Langsa seubab hana cocok sagai ngön nilai dan budaya islam (di Aceh)." Kheun M. Husin nyan.
Bahkan meunurôt calitra hinan geupeugah, buet ék pineung nyan lagè na ibarat jeut keu kuli, hana mulia, seubab ék pineunhmg nyang ka jilabô gumok, abéh kutoe. Lheuhnyan jigilhö-gilhö untuk jak cok hadiah nyang yum jih padum sagai. Penonton tukang surak, peukhém. Teuman kön hana cocok ngön budaya Aceh.
Dan lom geupeugah hana geubrie sanksi atawa hukoman sapu pih meunyo memang teutap jipeuduek lomba ék pineung nyan. Seubab nyan nakeuh saboh himbauan.
Meunan Apa baca bak Kanal Aceh nyang na meutulé lam kurông nan ureung peu ék. [Rino Babarot]
Teuman meunyo gasa bacut ta kheun, bah pih hana geukheun lé Pak Wali, teuman ta bôh sama deungön keudroe teuh mantöng, nyang bahwa Acara Ék Pineung Uroe 17 nyan Meu Beulanda That. Atawa sit galak droeteuh beu meu beulanda meunan hiburan uroe tujôh blah.
Ék cocok? Meunyo han cocok kakeuh suah ta hapoih nyoe, ta tuléh laén. Nasaja kiraju.
0 Response to "Walikota Langsa Tham Lomba Ék Pineung 17 Agustus, Meu-Belanda That Nyan"
Post a Comment