Kak Nurmala Tinggai bak Jambô Peuleupeuk Meuriya, BMU Siap Bangun Barô
Nasaja Berita – Lhoksukon, BMU atawa Barisan Muda Umat akan geupeugöt rumoh keu Kak Nurmala nyang na di gampong Nga Matang Ubi, keucamatan Lhoksukon, Kabupaten aceh Utara.
Kak Nurmala nakeuh salah sidroe syedara geutanyoe patôt ta tulông seubab kondisi rumoh gobnyan jinoe lagè leumah bak poto. Bubông tiréh 'oh watè ujeun teuka, meunyo tarék uroe, tumboh cahaya neukiraju. Pu lom deungön bintéh dari peuleupeuk meuriya pih ka rapôh. Alah ma beh teuh. Mantöng na lam nanggroe Aceh Kaya Raya nyoe rumoh peuleupeuk meuriya.
Buet siuro uroe tueng upah seumeurah bak rumoh gop. Dan na dua droe aneuk miet lam tanggongan gopnyan. Ukuran tijoeh ie mata 'oh takalön nasib aneuk bangsa mulia nyoe.
Maka teu ingat keu pesan daripada Rasul mulia junjungan alam, bahwa ta meu tulōng teumeulông sabé droe teuh syedara saboh agama.
Maka lam hai nyan keuh BMU Kabupaten Aceh Utara geu pakat geutanyoe bandum bansa Aceh ban sigom donya untuk ta bantu ubé na kuasa untuk saban-saban ta bantu syedara nyang peurlè keu rumoh.
Alhamdulillah hingga uroe nyoe (Lasa, 27 Agustus 2019) ka jitamöng dana bantuan untuk peugöt rumoh nyan seukitar 13.924.000 rupiah dari total dana 30.924.000 rupiah nyang ta peureulé untuk bangun saboh rumoh layak huni keu Mak Nurmala dan dua droe sinyak gop nyan.
Baroekön geuduk bak jambô bubông ôn meuriya bak lampôh jrat milek ata keluarga geuh.
Maka kak Nurmala sangat that geuharap bantuan bak syedara ban sigom Aceh. Keu cara jih jeut meulalui BMU atawa neujak intat langsông u rumoh gobnyan.
Meunyo neubantu via BMU maka neukirém bak lumbôi rekening BRl 3923-01-012872-53-9 ateuh nan Gerakan BMU Peduli Ummat.
Keu info keu rakan ban mandum, Alhamdulillah hingga uroe nyoe BMU Peduli Ummat ka lheuh neu bangun 30 boh rumoh keu syedara geutanyoe ban sigom Aceh, misi nyoe merupakan gerakan dakwah untuk ta bangkitkan keulayi nilai-nilai sosial dalam masyarakat nyang ka meurie gadöh nibak akhe jameun nyoe. Nasaja kiraju.
Ttd #Bmu Pusat
#Bmu Aceh Timur
#Bmupeduliummat
0 Response to "Kak Nurmala Tinggai bak Jambô Peuleupeuk Meuriya, BMU Siap Bangun Barô"
Post a Comment