Jeumeu'at Phôn di Lhokseumawe, Mandum Dinaih Ngui Basa Aceh
Nasaja Berita – Lhokseumawe, Uroe Jeumeu'at nyoe keuh phôn geumulai peuwajéb meututô basa Aceh ban sigom Lhokseumawè sampé trôh bak dinaih-dinaih laén dan kantô camat.
Meunurôt geupeugahlé Wakil Walikota Lhokseumawe, Yusuf Muhammad, uroe phôn ta peuwajéb meututô lam basa Aceh lam linkungan poemerintah kota Lhokseumawe lancar, hana keundala sapu. Seubab sit ka memang ureung Lhokseumawe jeut basa Aceh.
Bunoe beungöh na semacam apel meunan atawa upacara bacut di keu peugawè untuk peunyata buet nyoe seucara resmi.
Geupeugah lom, masyarakat Kota Lhokseumawe antusias that lam kebijakan barô nyoe. Dan ramè ureung nyang dukông keugiatan seurta keubijakan nyoe.
"Jadi baroesa kamoe na meujak u Solo keudéh. Bak saboh uroe nyan, mandum acara nyan lam basa Jawa ji meututô. Ka rap mabôk kamoe tan meuteupu sapu neukiraju. Meutanyöng teuk bak ureung hinan nyang terjemah. Jipeugah nyang bahwa sinoe di Solo na wajéb meututô basa Jawa si uroe lam si minggu lam lingkungan dinaih poemerintah." Calitra Wakil Walikota Lhokseumawe nyan.
"Bak kamoe piké sang lagak program lagè nyoe, jadi ta ba keunoe u Lhokseumawe, ta peuwajéb si uroe meututô lam basa Aceh. Basa droe teuh, basa Indatu." Lanjôt Pak Yusuf Muhammad nyan.
Meunan Apa baca bak AJNN nyang geutuléh lé Kak Sarina seulaku jurnalieh sinan.
Ka cocok Apa kira, tanyoe seulaku bangsa teuleubèh ateuh rueng donya, beu na meunan sit. Sit nyan alasan Apa Raban meupeugöt web berita nasaberita.com nyoe.
0 Response to "Jeumeu'at Phôn di Lhokseumawe, Mandum Dinaih Ngui Basa Aceh"
Post a Comment