Abéh Hayeu Lomba di Banda Aceh, Walikota Juara Ku Ue
Nasaja Berita – Banda Aceh, Leupah bèrèh kiraju Walikota Banda Aceh, uroe Rabu (28/8) baroesa gobnyan ka juara lom untuk lomba ku ue bak acara peurayek uroe lahé proklamasi Republik Indonesia Raya lam rangkaian acara Baiturrahman Expo.
Keu info keu ureung droeneuh mandum, Pak Walikota, Aminullah Usman nyan juara bertahan. Seubab thôn nyang ka leupah gobnyan sit juara kue ue watè jipeuduek acara di Neusue.
Sang meunyo na khanduri jeut ta undang Pak Wali, ta yu kue ue di likôt hidéh mangat bagah lheuh buet. Sigö-gö, pu lom watè ka Apa peukawén si Dara eunteuk kön jeut. That na teuh, nyoe si Dara barô glah Sa SD alèh pajan tapeukawén pih hom. Nyan pih meunyo na umue teuh mantöng.
Beh ka, kön nyan ta keuneuk peugah, Pak Wali meunurôt geuakui keudroe, nyan bagian jak kue ue (kruet ue, meunyo kheun Pak Amin) sit ka buet gobnyan watè manyak-manyak. Sang bak hie le geupajôh bu teukeurabè jameun, saban lagè Apa masa phôn meukawén ngön Da Mulah, masa nyan nyan Da han jeut geumagun lom. Jinoe dumpu kuah mangat asai keunóng jaroe Da.
Nyang ikôt lomba nyan, kön cuma Pak Wali tapi sampét trôhbak camat ngön perangkat na nyang ikôt lomba. Nyan bak poto ureung sôk bajè teuntra pih na rôh. Han meumada lomba rôk aneuk beudè, lomba kue ue pih rôh kiraju.
Lam thôn 2020 eunteuk rencana na 1000 boh even atawa keugiatan nyang akan geupeuduek di Banda Aceh. Dan nyan salah saboh jih. Kue ue. Keu tujuan, seulaén peuleumah budaya ngön daya tarék bak masyarakat seureuta wisatawan, nyan jeut keu ajang hiburang bagi warga. Meunan tujuan acara nyang ka geupeugah silapéh ilè. Keu lapéh laén, kakeug eunteuk ta tamah haba.
Nasaja kiraju, lawét nyoe nah, Walikota ikôt jak kue ue. Nyan na can suah ta peugöt proposal ju beubagah keu thôn 2020 untuk pengadaan geulungku. Bèk jiteumè abéh geulungku di pasai ,na pu teuh suah ta yu impor dari Singapor. Alah ma beh teuh. Nasaja kiraju. Nyoe keubiet nyo suag takheun sigö teuk, beuraya ta kheun, Nasaja Kiraju.
Meunan Apa baca bak SerambiNews nyang geurilieh lé humas. Seubab kode jih tanda bintang hba (*hba) takiraju makna jih rilieh humas banda aceh, meunyo kön kakeuh kön. Nyang bèk karu.
0 Response to "Abéh Hayeu Lomba di Banda Aceh, Walikota Juara Ku Ue"
Post a Comment