PNS Jibeureukah Lé Satpol PP, Teungöh Jeum Keurija, Laloe Proh Ok Bak Keudè Kupi
Nasaja Berita– Lhokseumawe, Ka paléh teuh kiraju, leupah jai awak sôk bajè dinaih nyang jibeureukah lé satpol PP Kota Lhokseumawe baroe uroe Lasa (30/7). Atra nah teungöh jeum keurija laloe duek bak keudè kupi. That paloe, keubiet keuh soh kantô. Ta piké kön ka abéh jioeucat dum peugawé, rupajih duek bak kafe atawa keudé kupi.
Razia baroe nyan langsông eupimpin lé Sekda (Skretarieh Daerah) Kota Lhomseumawe Miswar sajan awak Satuan Polisi Pamong Praja atawa Satpol PP. Tujuan razia nyan mangat tertib awak keurija. Bèk nyang na caröng lakè tamah gaji dum. Keurija ka beuö. That na teuh kiraju.
Tapi kadang sit memang teungöh hana buet makajih meujak duek santai siat. Nyan hom sit. Nyang pasti lam aturan, watè keurija hanjeut jak duek dahöh bak keudè kupi.
Sekretaris Daerah Pemko Lhokseumawe, Miswar geupeugah nyan razia nyan untuk geupeunyata dan peuteugak Peraturan Pemerintah nomor 53 tahun 2010 dan Peraturan Wali Kota nomor 43 tahun 2017. Seubab manöng ramè PNS nyang laloe duek bak keudè kupi atawa gadoh jimeurawöh bak taloe jalan lam jeum keurija.
“Makajih nah, untuk ta peuteugak aturan, kamoe meurazia uroe nyoe. Dan ukeu meunyoe na umu panyang insya Allah ta razia beu seuréng lom." kheun Pak Miswar sajan Kasat Pol PP-WH M Irsyadi.
Keu PNS nyang meuteumè beureukah laloe duek proh ok bak keudè kupi nyan untuk kali nyoe cuma geudata, pasoe formulir dan peugöt surat pernyataan, lheuh nyan tanda tangan. Ukeue teuman lheuh nyan geumeuhei sidroe-droe ta brie pengarahan. Supaya bek batat lé
"Untuk tahap phôn, kamoe bina ilè. Meunyo ukeue keujadian lom dan ta teumè gadôh duek bak keuè kupi jak proh ok, nyan barô ta ta hukom lagè ketentuan Undang-Undang." Kheun beliau nyan.
Meunan Apa baca bak AJNN nyang geutuléh lé kak Sarina seulaku jurnalieh bak AJNN wilayah nyan. Poto pih ata geupoto keudroe nyan. Nyan ka aktual, lagè na ju geupeugah. Hana tamah-tamah. Teuman di Apa lagè haba nyan, teutap teutap suah meusurah lam basa Aceh lagè haba ureung duek bak keudè kupi.
That batat-batat PNS kiraju. Alèh bak jipikè keurija bak nanggroe, jadi jeut beurangkaban meu nanggroe droeteuh. Di awak keurija swasta, meu rukok hanjiteumé p'iep lam jeum keurija. Alah ma beh teuh, nasaja kiraju peukateun PNS bak tanyoe.
0 Response to "PNS Jibeureukah Lé Satpol PP, Teungöh Jeum Keurija, Laloe Proh Ok Bak Keudè Kupi"
Post a Comment