Peut Droe Awak Malaya Jak Peugleh Broh di Pante Lhokme, Ureung Aceh Hoeka?
Nasaja Berita - Banda Aceh, na peut droe relawan dari nanggro Malaya bune jak peugleh pante di Aceh. Kon saboh pante, tapi 2 pat ji jak peugleh broh. Nyan neukalon, kiban awak Malaya keu geutanyo Aceh. troh bak broh geutanyoe di Aceh jitem peugleh le awak nyan. Teuman ureung droeteuh hoe ka?
4 droe awak Malaya nyan na nyang dari Volunteering Trip Malaysia (VTM) dan Malaysia Outreach Volunteer Experience (MOVE), Mohd Khairul Zhafran Bin Abdul Wahid (President of VTM), Nur Ayuni Binti Mazlan (VTM), Syed Zainal Abidin Bin Jamallulail (President of MOVE) dan Muhammad Syukri Bin Abd Hakim (Relawan Malaysia).
Keugiatan nyan ji cok tema le awak nyan deungon nan "Save The Beach Aceh" (Peuseulamat pante nyang na di Aceh) nyang ka jikeurija bak uroe jeume'at tanggai 5/7 baroe. Mungken ureung droeteuh ka abeh geujak u Seumijid, hana geu woe-woe, makajih hana meupeugleh keudroe. Meutuwah ureung Aceh. Asai ka uroe Jeumeu'at, sabe lam ibadat.
Teuma pu keuh beutoi lage nyan, hana ureung Aceh meusidroe? Na sit awak Aceh nyang jak peungon. Nyakni Kaki Lasak nyang di wakili oleh Akmal dan Yaser, Earth Hour Aceh le Nuratul Faizah dan rakan-rakan laen, seureuta Persatuan Kebangsaan Pelajar-pelajar Malaysia di Indonesia (PKPMI) cabang Aceh.
"Bak kesempatan nyo ta peugleh 2 boh pante nyang na di Aceh, Lhokme dan Babah Dua Lhoknga." Kheun Nur Ayuni.
"VTM nyan saboh lembaga nyang na di Malaya nyang jitampong relawan untuk misi di lua nanggroe. Salah saboh tujuan misi awak nyan u Aceh. Dan Aceh nyo jeut keu lokasi phon keurija relawan." Kheun Nur Ayuni nyan.
Nur Ayuni dan rakan-rakan laen jiharapkan deungon na poryek peugleh pantee nyo jeut peusadar masyarakat, teurutama aneuk muda Aceh untuk jaga pante ngon laot. " Kamoe pakat ubee na pihak nyang na di Aceh ntuk ikot ta lindungi dan tajaga alam dan lingkungan geutanyoe. Seubab meunyo kon geutanyoe, soe sit laen? Meunyo kon jinoe pajan sit lom? Kheun Nur Ayuni nyan bak ujong calitra. Meunan Apa baca bak Geunta.com ata geutuleh le Ahlul Fikar, bunoe lheuh seumayang Asa.
0 Response to "Peut Droe Awak Malaya Jak Peugleh Broh di Pante Lhokme, Ureung Aceh Hoeka?"
Post a Comment