Ka Pangeh! Sidroe Caleg Terpilih Dari Partai PDA Jiceue Nan Le KIP Pidie
Nasaja Berita - Pidie, Tgk. Abdul Manaf, caleg DPRK Pidie dari Partai PDA hana jadeh roh lam calon terpilih. Nan gob nyan ka jicoret, atawa ka ji ceue nan.
Padahai lam hase pemilu baroesa gobnyan roh lam caleg nyang meureumpok suara paleng le lam kawan di dapil 1.
KIP atawa Komisi Independen Pemilihan Pidie hana jadeh geuteutapkan nan gobnyan lam daftar calon terpileh anggota DPRK Pidie. Nyang ganto gobnyan na keuh Sayed Muhammad Fakhran. Pdahai suara Pak Sayed lumboi dua le lheuh Tgk. Abdul Manaf di dapil nyan lam lingkungan partai PDA.
Ketua Divisi Teknis KIP Pidie, Fuadi Yusuf geupeugah, ta ceu nan Abduk Manaf seubab gobnyan roh lam caleg nyang hana seip syarat atawa TMS jikheun, Tidak Memenuhi Syarat.
Seubab sampoe uroe penetapan perolehan suara, nyang bersangkutan nyan hana lom geuserahkan sura mengundurkan diri dan mantong geuteurimong gaji dari neugara dari keugiatan gobnyan bak Kesbangpol Kabupaten Pidie.
"Meunyo caleg mantong TMS, maka otomatih akan meuganto deungon ureung nyang meureumpok suara lumboi dua paleng le lam kawan, dan nyan akan ta usulak keudeh u Gubernur untuk geu SK-kan" Kheuh Fuadi Yusuf.
Adak pih meunan, caleg nyang atawa partai PDA mantong na kesempatan untuk ajukan sanggahan, deungon cara pasoe form E2, eunteuk nyan jeut keu sengketa, peuteupat keulayi.
"E2 nyan eunteuk akan roh ta jok bak Bupati dan akan ta kirem keudeh keu Gubernur Aceh, seukalian deungon berita penetapan uroe nyoe" Kheun gobnyan.
Meuna Apa baca bak Beritakini nyang geutuleh le bang Firman bunoe supot.
0 Response to "Ka Pangeh! Sidroe Caleg Terpilih Dari Partai PDA Jiceue Nan Le KIP Pidie"
Post a Comment