Gara-Gara Bijeh Pade IF8, Geuchiek di Aceh Utara Ka Lam Penjara
Nasaja Berita - Lhokseumawe, TIm penyidik Polda Aceh ka jiteutapkan Geuchiek Gampong Meunasah Rayek, Nisam, Aceh Utara deungon inisial M seubagoe tersangka jak publoe bijeh pade hana merek, nyakni IF8.
Geuchiek nyan nakeuh Direktur PT Bumades Nisami jiddroep le peulisi lheuh jiteutapkan seubagoe tersangka bak uroe Lasa 23/7 baroe. Langsong jitheun di Mapolda Aceh, di Banda Aceh.
"Nyo beutoi, phon jih bak 22 Juli baroe Tgk M jimeuhei untuk jipareksa seubagoe saksi. Ban seuleungoh jih ka jitetapkan keutersangka dan langsong jitheun sinoe bak Polda, Banda Aceh." Kheun Direktur Eksekutif Koalisi NGO HAM Aceh, Zulfikar Muhammad nyang geudampingi tersangka nibak uroe Rabu 24/7 bunoe.
Sampoe inoehat, kheun Zulfikar, ihak ureung nyan akan geulakukan pendampingan hukom dan rencana lam watee toe nyoe akan geuusulkan peutanggoh penahanan ateuh tersangka nyan. Seubab meunurot gobnyan lam hai nyoe, hana meusaboh pihak pih nyang theun rugoe deungon bijeh pade IF8 nyan.
Jadi lam hai nyoe seubeutoi jih soe nyang rugoe, masak tok gara-gara berinovasi bsa jidroep, jipidnakan. jadi lam hai nyoe tanyoe kakeuh hanjeut ta berinovasi." Ungkap Zulfikar nyan.
Seuharoih jih dinaih teukaet ikot lam dampingi, jak peungon dan bantu, meunyo memang hana sertifikat maka beujibantu peugot sertifikat, kon malah jijak sak lampeunjara lagee nyoe.
"harapan kamoe paleng han, keupala poemerintahan, lam hai nyoe gubernur kajeut seutop ju peukara nyoe. Seubab nyoe laporan dari kementrian Pertanian meulali Dinaih Pertanian dan Perkebunan Aceh u Polda Aceh." Sambong gobnyan.
Pihak ureung nyan mantong brat geuharap supaya kasuih nyoe jeut jihentikan. Samoe uroe nyoe gobnyan mantong di Mapolda Aceh ngon geuchiek nyang ka jidroep,
"Lon seulaku pendamping akan meuikot kiban proses hukom nyang ka meulaku. Seubab kamoe nyang meurasa rugoe meunyo lagee nyoe cara." Kheun gobnyan lom.
Nasaja kiraju, macam bagoe, troh bak peukara bijeh padee ka suah eh lam penjara. That yoe teuh lawet nyoe neukiraju.
0 Response to "Gara-Gara Bijeh Pade IF8, Geuchiek di Aceh Utara Ka Lam Penjara"
Post a Comment