Dinaih Dayah Berpihak? Marsyuddin Ishak: Musannif Beujujor Bacut
Nasaja Berita - Banda Aceh, Haba teuntang pakat peububar Dinaih Pendidikan Dayah nyang dari anggota dewan (Musannif dari Komisi VII) rupajih maken uroe, maken panaih pembahasan jih. Lheuh geubrie tanggapan le Wasekjen PDA (Partai Daerah Aceh) malam baroesa (Sabtu 6/72019), rupajih ka na lom rilih berita bak padum-padum boh media lokal, lagee Acehtrend deungon judul "Anggota DPRA Nilai Pemerintah Aceh Pilih Kasih Bantu Dayah", ngon Liputan Aceh, deungon judul "Itikad Kurang Baik Eksekutif Alasan Musannif Usulkan “Pembubaran” Dinas Dayah". Neubca keudroe sideh. Han ek ta kopi keunoe, han seip saka.
Bunoe lheuh Asa Apa teurimong keulayi rilis dari politisi PDA, Tgk Marsyuddin Ishak atawa Tgk Mudas untuk keumbali meubrie tanggapan.
Teukaet deungon bahasa "Pembubaran" nyan nakeuh saboh majaz, Marsyuddin meuphom bahwa nyan nakeuh basa majaz nyang hanjeut cok makna lagee meutuleh. Nyan haba poh sampeng, sipak keunue gob, dan meugilho ceumeukam.
"Kamoe paham that meukeusud dan tujuan dari Musanni dari bahasa majaz nyang ka geu ngui nyan. Dan kamoe meuteurimonggaseh that, meunyo memang Musannif jujor dan hana "munaph'ek" lam tanda kutip". Kheun Tgk Marsyuddin nyang biasa jimeuhei Tgk. Mudas.
Nyang peurle beu jiteupu le masyarakat, meunurot Tgk Mudas, teukaet peng amprahan dana hibah keue Dayah ngon Bale Beut di Aceh ta harapkan beusaba. Seubab mandum na atoran droe. "Na atoran untuk peucae dana, hanjeut beurangkahoe. Bek sampe bak meukarat peucae eng, meukaleung hukom. ka lam peunjara eunteuk hana meupu sapu." Meunan geupeugah le Marsyuddin alias Mudas lam pers rilis lam basa Aceh keu Apa.
"Tanyoe ureung dayah, ureung meuphom aturan, ureung saba. Jadi bek tajak peusuum hana meupu." Sambong gobnyan.
Meunan sit bhaih "keberpihakan" poemerintah dan Dinaih Dayah nyang geupeugah le Pak Musannif, Waki Sekretarieh Umum PDA geupakat untuk peujroh zhan.
"Hana get ta peubroek zhan keu Dinaih Dayah dan Poemerintah Aceh. Seubab dari data nyang na bak kamoe dari pihak Dinaih dan Poemerintah, ka leubeh dari 500 boh Dayah dan Bale Beut ka geubrie perhatian. dan nyan mandum ka jalan dan lam proses untuk peubereh keulayi pat nyang kureung. Nyoe kamoe peugah lagee na, na data, kon meuka meuhah ju." Kheun politisi muda dari Aceh Utara nyoe.
Bak ujong pers rilis nyan, Tgk Mudas geutanyong bak Musannif, teuntang buet gobnyan, pu keuh na geubantu dayah-dayah nyang na di daerah droegeuh, seubab gobnyan anggota dewan aktif seulawwet nyoe. "Nyan beliau nyan meukalheuh ju geupeugah, padahai meunyo ta tanyong bak gobnyan, seulaen dari Yayasan nyang geupimpin le beliau nyan dan Dayah Konstituen nyan, dayah toh na nyang ka geubantu seulama geuduek keu anggota dewan terhomat? Lon rasa saban sit. teutap na kesan berpihak dan ber-fee-hak" Kheun Wasekjen PDA bak seuneulheuh buet. Bak Liputan Aceh ka jiteubiet sit berita nyoe.
0 Response to "Dinaih Dayah Berpihak? Marsyuddin Ishak: Musannif Beujujor Bacut"
Post a Comment