Desain Poto Base Jame Hana Jilbab, Dinaih Pariwisata Peugah Nyan Hana Resmi
Nasaja Berita – Banda Aceh, Ban-ban nyoe le that deuh takalon poto design group musik dari Jakarta, Base Jam nyang hana jingui jilbab le salah sidroe personil inong group nyan, heboh that lam ruweung jagad Maya Aceh. Terutama that pesbuk ngön inseutagram.
Hai nyo ka geu peumasalah le seubagian masyarakat Aceh bahkan na nyang tuleh peugagal group nyan ék ateuh panggong bak acara Aceh Culinary Festival Thon 2019. Hai nyoe teuntè jeut keu kacho acara nyang ka geugagah lé Kemenpar (Kementrian Pariwisata) Republik Indonesia nyang akan geupeugöt acara nyan di Provinsi Aceh.
Seubab nyan keuh, baroe lheuh Jeumeu'at, tanggai 5 Juli 2019, na padum padum elemen ormas-ormas Islam dan Aswaja geupeugöt pertemuan ngön Kepala Dinaoh Pariwisata Provinsi Aceh, Pak Jamaluddin, untuk geudeungö klarifikasi langsong teuntang masalah nyan.
Salah saboh unsui nyang ikot teuka nibak pertemuan nyan nakeuh dari Lembaga Pelestarian Seni Adat Dan Budaya Meukuta Alam Raya Aceh (MARA).
Lheuh geudeungö peunjelasan dari Kepala Dinaij Pariwisata Provinsi Aceh, maka barona keusimpulan nyang bahwa design nyan kön keuh design resmi nyang jipeugot le Dinaih Pariwisata Aceh maupun Kemenpar.
Meunurôt Teungku Tarmizi Thaib seulaku Ketua MARA, lagè nyang ka geudeungö peunjelasan bak pertemuan nyan, design nyan rayek kemungkinan jipeugöt lé fans atawa lam basa Aceh geukheun awak nyang galak keu group Base Jam, seuhingga awai that jibagikan bak media sosial.
Padahai design nyan kön ata resmi dan jipeugöt lé fans disidéh, sehingga rayek that kemungkinan hana that geuteupue kondisi Aceh. Lam hai nyan pih, Kemenpar kalheuh geulakè meu'ah ateuh kekeliruan nyan, meunan geupeugah le ketua MARA lagè geukutep haba kepala dinaih.
Bak dasar jih MARA geubri dukongan nyang rayeuk that dan beu sukses acara Aceh Culinary Festival nyan, seubab jeut geu peuleumah meubagoe jeuneh masakan nyang na ban sigom Aceh seuhingga jeut geu promosi pariwisata Aceh, teutapi teunteè taharapkan bèk meugesè nibak nilai-nilai nyang na lam masyarakat.
 |
| Duek Pakat Ormas ngön Dinaih sira Pajoh bu cöt uroe |
Meunyoe meunan peundapat adak di Apa Raban ngön Da Mulah i rumoh pih that meukeunöng that kiraju. Nasaja, lam-lam lungkieng meuteume culok haba Apa ngön Da.
Lam hai nyoe, untuk keugiatan-keugiatan nyang seurupa, ketua MARA geujok saran keu peumeurintah supaya leubèh lom geu tingkatkan sinergitas antara Ulama dan Umara seuhingga hana timoh keubimbangan dan masalah lam masyarakat. Sit seutuju teuh laju nah lagè ketua MARA nyan peugah. Meunan cit adak jeut beule geungui sipu-pu nyang sarat unsur kearifan lokal. Pah that nyan, cocok that.
Tarmizi Thaib geu pakat ubéna lapesan masyarakat supaya saban-saban tajaga kekhususan Aceh seubagoe saboh daerah nyang ka geubi lé peumeurintah pusat untuk geujalankan dan geupeuköng syari'at Islam meunuju Aceh nyang Baldatun Thayyibatun Warabbul Ghafur.
Bèk karu-karu le. Lagè nyan kön leupie haté teuh, mudah-mudahan mandum beu meuseuniya dan beujroh.
0 Response to "Desain Poto Base Jame Hana Jilbab, Dinaih Pariwisata Peugah Nyan Hana Resmi"
Post a Comment