Singoh Muzakir Manaf Akan jak Meureumpok Ngon Wiranto. Bhah Referendum?
Nasaja Berita - Banda Aceh, Lam watee hana trep ukeu nyo rencana Mualem atawa Muzakir Manaf akan meureumpok dengon Wiranto seulaku Meuntro Politik Hukum dan Keamanan atawa Menkopolhukam meunyoe kheun awak Indoneh.
Nyang ka ta maklum saban-saban ureung nyo dua keuneuk meureumpok bhaih haba Mualem watee nyan teukaet referendum.
Teuman meunurot geupeugah le Pak Wiranto, bhaih referendum nyan ka seuleusoe hana geu peupanyang le. Seubab kalheuh na klarifikasi dan lakee meu'ah. Meunan geusampaikan le WIranto di Jakarta bunoe uroe tanggai 17.
"Bhah referendum ka seuleusoe, nyang keuneuk bahaih singoh bhaih masyarakat Aceh nyang, kiban partisipasi masyarakat lam pembangunan nasional. Lon kira bhaih nyan nyang akan kamoe peugah singoh." Kheun Wiranto. Mantan Jenderal Panglima ABRI masa Presiden Soeharto dan Habibi dilee.
Meunurot rencana padahai uroe nyo keuneuk meureumpok Mualem, teuman subab masalah transportasi, kakeuh singoh bak geurencana. Kheun Wiranto. Pu keuh gara-gara meuhai that tiket pesawat atawa kiban, Apa hana meuteupu sit. Nyang pasti ilee, meunan haba Pak Wiranto nyan.
Teukaet haba referendum dari Mualem uroe nyan watee acara Haul Wali Neugara Teungku Muhammad Hasan di Tiro bak geudong Amel, Banda Aceh. Nyan brat viral masa nyan, jadi hana suah Apa peujeulaih le hinoe pajan dan kiban haba Mualem supot nyan. Nyan ban kiraju.
Meunan Apa baca bak Beritakini nyang geucok sumber dari Suara.com
0 Response to "Singoh Muzakir Manaf Akan jak Meureumpok Ngon Wiranto. Bhah Referendum?"
Post a Comment