Sidang Korupsi Rommy, Jaksa: Soe Droekeuh, Trôh Bak Ayat Nyan Jak Urôh Kemenag
Nasaja Berita - Jakarta, Kasus korupsi Romahurmuzi atawa Rommy bak masa-masa kampanye pemilu baroesa mantong la pemeriksaan lam sidang Tipikor (Tidak pidana korupsi) di Jakarta. Rommy masa nyan seulaku ketua umum Partai Persatuan Pembangunan atawa PPP jidrop di Surabaya, leungkap deungo peng saboh taih.
Meunyo istilah lam hukom korupsi jikheun OTT, Operasi Tangkap Tangan makna jih, watee ji drop, na bukti bak jaroe, dan sit ji mat bak jaroe watee ji hue lam moto. Meunyo ji mat bak gaki biasa jih pancuri, ji hu ju lam moto. Nasaja kiraju.
Lam sidang nyan, Rommy jitanyong le jakwa KPK, pakon Rommy nyang padahai anggota dewan komisi XI tapi roh lam bagian jak uroh dan ato kemenag, padahai nyan hana roh lam fungsi ngon tugasi awak komisi XI. Buet awak komisi XI nakeuh uroh masalah keuangan dan perbankan. Teuman kon jioh that ji plueng.
"Lon cuma lon peutroh aspirasi ureung sagai bak pihak teukaet. Na ureung nyang peugah hai bak lon, lon peu troh bak ureung Kemenag." Meunan lah leubeh kureung jaweub Rommy.
Lheuh nyan jitanyong le jaksa," Soe droekeuh, bak troh bak ayat nyan jak boh ato dan jak uroh Kemenag?" Meunan meunyo ta peu aceh bahasa "sampai sedetil itu", troh bak ayat nyan. Nasaja kiraju basa Aceh lam keude kupi.
Rommy ji jaweub deungon jawaban nyang saban sit, nyang bahwa cuma peutroh aspirasi ureung nyang lake bantu.
Cuma na jitamah bacut nyang bahwa seubago pimpinan partai, Rommy jiusahakan ureung duek bak jabatan stratagis untuk kepentingan partai. Supaya meutamah suara partai watee masa pemilu, dan pu-pu nyang ka ji rencana le partai mudah untuk jipubuet.
Bak Apa kira sit ka meunan nyang nan jih partai peulitek. Nan mantong peulitek, bak ureung musibah cok kepentingan, bak ureung meupake meuteum cok laba. Meuhan kon peulitek nan jih. Teuman aleh ek biet lagee Apa pike pih hom. Seubab Apa hana roh lam peulitek, cuma ureung kalon dari lua partai sagai. hanjeut keu referensi meunyo kheun awak nyo.
Meunan Apa baca bak AJNN bunoe lheuh Asa, ureung nyan ata ba Kumparan geucok berita. Apa bah bak AJNN mantong, sabe-sabe Aceh teuh.
0 Response to "Sidang Korupsi Rommy, Jaksa: Soe Droekeuh, Trôh Bak Ayat Nyan Jak Urôh Kemenag"
Post a Comment