Komunitaih Game Aceh Tolak Fatwa Hareum PUBG: Fatwa Nyan Hana Adé
Nasaja Berita – Banda Aceh, Komunitaih game Aceh dari RGA (Ruang Game Aceh) baroe uroe Sabtu (29/6) na ji peugöt pertemuan, duek pakat sabé awak meu'en game atawa gamer meunyo kheun awak nyo lam basa Inggreh.
Meunurôt Rizal, perwakilan dari RGA nyan, fatwa hareum game PUBG nyang ka geupeuteubiet le MPU nyan hana adéë, seubab hana geupakat awak gamer watèë duek pakat musyawarah peuteubiet fatwa lé MPU lam padum uroe u likôt.
"Kamoe kalön fatwa nyang geupeuteubiet lé ureung MPU nyan sepihak, hana geupakat kamoe." Kheun Rizal bak Tagarid lagé jitulél lé Muhammad Fadhil, watèë awak nyan duek pakat sajan awak meu'en game di Banda Aceh. Na meupadum plôh droe lah awak gamer nyan duek.
Jipeugah lé Rizal, le that manfaat dari meu'en game, seulaén na mudharat jih na meuribè manfaat laén. Tapi hana meutuléh bak Tagarid nyan pu-pu manfaat, Keucuali saboh sagai, "Deungön na game nyan, aneuk muda Aceh akan jiôh daei narkoba." Teuman ék nyoe meunan pih hom. Jadi Apa peugah lagè na meutuléh mantöng.
Bahkan jipeugah lé Rizal nyan, awak komunitaih game mantöng lagè biasa meu'en game nyan jinoe, bah pih lheuh na fatwa hareum dari MPU Aceh. Seulama gohlom na qanun, atawa aturan nyang geupeuteubiet bahwa awak meu'en game nyan keunöng hukôm, hana yöe jipeugah. Lagè biasa ju.
Teuman lam duek baroe supôt nyan, awak gamer nyan keuneuk tanyöng pendapat bak rakan-rakan seusama gamer nyan, lheuh nyan jitampông, dan jikeuneuk meureumpök deungön ureung MPU.
Awak gamer nyan jikeuneuk peugah haba ngön ureung bak MPU teukaét fatwa hareum nyan. Awak nyang meu'en game bak jirasa droe leubèh meuphôm teukaét game nyan. Makajih peurlè meureumpök dan peugah haba ngön MPU. Bak Apa cok keusimpulan meunan. Nasaja kiraju. Asai beumeutuwah, peugah beugöt-göt, jaga tutô ngön bahasa, pu lom nyan bak MPU nyan ulama.
The game is very good, PUBG Mobile is a game to entertain me, when I have more emotions than other games, this is a very addictive game.
ReplyDelete