Ka Paleh! Leupah Le Mantong Rumoh Tan Liseutrek di Pidie Jaya
Nasaja Berita - Banda Aceh, Teukeujot-keujot teuh bak ta kalon kondisi nanggroe Aceh nyang meusyeuhu kaya nyo neukiraju. Lam data thon 2017 baroesa na 691 boh rumoh ureung gasien nyang tan liseutrep. Beurarti geumeudep lam supot buta dum. Meunyo tan liseutrek beurarti hana hape ngon pesbuk, bit keuh hana karu ureung nyan watee jipeumatee liseutrek le PLN. P'uep daih leh.
Nyan ata data bak BDT Basis Data Terpadu lam thon nyan.
Meunurot geupeugah le Cut Bahraini, Kabag Ekonomi Sekdakab Pidie Jaya, nyan data thon awai. Seudangkan jinoe keumungkinan meutamah le ureung ureung gasien nyang hana liseutrek.
"Paleng le rumoh ureung gasien sideh di keucamatan Bandar Baru, na seukitaran 201 boh rumoh, meunan a kalon bak data nyan." Kheun Cut Bahraini.
Seudangkan di kecamatan Banda Dua na seukitaran 140 boh rumoh nyang hana lom na liseutrek. Meunan haba Cut Bahraini nyan.
"Rata-rata rumoh nyang hana liseutrek nyan, rumoh-rumoh lam glee." Geupeugah le Cut Bahraini.
Tiep thon na geuusulkan untuk peubereh bhah nyan, dan tiep thon na dana APBA keu uroh masalah nyan. Dan memang na jipubuet, geupeugah.
Meunurot info tiep thon na bantuan 200 boh rumoh nyang geupasang liseutrek nyan. Teuman tiep thon sabee meutamah ramee ureung gasen, seubab lam data Pusat Statistik ramee masyarakat nyang termasuk lam kategori rentan miskin. Jadi rentan ureung nyan gasien, kakeuh maken trep maken leumah gasien laju-laju.
Brat buet poemerintah kalinyoe bak jikeurija peukaya ureung gasien. Meunan berita nyang jituleh le Muksal Mina bak AJNN lam basa Indoneh. Di Nasaja Berita lagee biasa suah ta balek keu basa Aceh. Poto ata bak internet, aleh soe dan pat nyan, hana Apa tupat sit.
0 Response to "Ka Paleh! Leupah Le Mantong Rumoh Tan Liseutrek di Pidie Jaya"
Post a Comment