90 Minet Jipareksa Le KPK, Prof Farid: Lon Jaweub Ju Lagee Na
Nasaja Berita - Banda Aceh, Nyan ban rupajih, meuseubab ngon mantan Ketum partai PPP nyang jidrop le KPK, Abeh ubee na rektor dan nyang ek keu calon rektor baroesa lam lingkungan UIN dan IAIN ji meuhei untuk jipareksa. Keu seubab jih kasus korupsi nyang keunong Romahurmuzzi atawa ji hei le awak nyo Gus Rommy nyan, kasus meukat jabatan lam lingkungan Kemenag.
Uroe Seulanyan baroesa Pak Rektor UIN Ar-Raniry, Prof Warul Walidin kalheuh jimeuhei le KPK. Baroe uroe Rabu troh jatah Prof. Farid Wajdi nyang keunong pareksa.
Bunoe sambilan duek jeip kupi malam, Apa baca bak Aceh.Tribunnews, watee jihubungi le awak Serambi, Pak Farid geucalitra lah kiban watee jipareksa le KPK nyan.
"Lon jak poh 10, cuma hana ureung, seukitaran poh 11 baro jimulai pareksa." Kheun Prof Farid watee geumulai calitra. Memang bereh meunyo Profesor, teupat watee. Poh 10 ka meutipek lam ruangan. Di geutanyoe janji poh 1, poh 4 kadangn hana leumah ureung lom. Nasaja kiraju.
"Na siat lheuh jipareksa nyan ka troh watee piyoh seumayang Leuho. Lheuh seumayang cuma tamong jak tanda tangan berita acara pemeriksaan khong. Jadi leubeh kureung 90 minet atwa sijeum seuteungoh khon jipareksa. " Lanjot Pak Farid.
Nyang ji tanyong le awak KPK nyan bhah kiban pemilihan calon rektor dari A sampe Z pokokjih, calitra Pak Farid. "Phon ji tanyong kiban pemilihan Rektor, lon jaweub ju lagee na bahwa na aturan jih seusuai PMA 68. Bak UIN cuma uroh administrasi sagai, seudangkan urusan laen mandum buet awak tim seleksi di Jakarta." Kheun Pak Farid.
Lheuh nyan ji tanyong lom le awak KPK, pu keuh Prof Farid na meuturi ngon Rommy atawa hana. Geujaweub le Prof Farid bahwa hana tom meureumpok.
"Na tom troh ureung untuk lakee uroh?" jitanyong le awak KPK bak mantan rektor UIN Ar-Raniry nyan. "Hana, hana soe tueng lon. Dum ta pakat meureumpok, awak nyan han ji tem meureumpok ngon lon." Calitra Prof Farid sambilan teusih'eh bak neukhem nyan.
Teubayang ju Apa nah, kiban khem Pak Farid nyan, pasti meujungkat misee siangen.
Geuakui le Pak Farid, gobnyan geujaweub lagee na ju. Hana geusom-som sapu. Bahkan geupeugah le gobnyan, sampe jitanyong le awak KPK pu keuh na tiket ngon woe dari SPPD. "Lon jaweub hana, lheuh nyan ka ji jook tiket pre si on ngon woe. Alhamdulillah that." Kheun Pak Farid.
That can Prof Farid kiraju, lheuh jipareksa le awak KPK, ji brie tiket pree lom si on keu eungkoh woe. Di Apa hana tom leupah meujak sahoe lom bak pikee keu euhai that yum tiket. Nasaja kiraju.
0 Response to "90 Minet Jipareksa Le KPK, Prof Farid: Lon Jaweub Ju Lagee Na"
Post a Comment