3 Droe Investor Hana Jadeh Tamong u Aceh, Gara-Gara Isu Referendum ?
Nasaja Berita - Banda Aceh, Nyan ka gura teuh berita nyang Apa teume bunoe bak meu buka Mercinews. Apa sit karap rata media onlen ata nyang na di Aceh meubuka bak mita berita neukiraju. Dan tiep nyang ka Apa tuleh berita nyang meucok sumber dari beurangkapat, meutuleh sumber dan link langsong. Jadi meunyo meuhie han neu pateh, neucukeh ju keudroe bak tulesan nan eweb nyang wareuna ijo laot atawa biru nyan. Ha teunte seubab ureung droeneuh sang-sang, bak ka ta tuleh lam basa Aceh, meuhie pura-pura keuh. Nasaja kiraju.
Beh ka, nyan keu pengantar siangen. Jinoe ta tamong lam berita.
Meunurot info, isu referendum nyang geu peulheuh su le Mualem lam puasa baroesa nyan ka meupeungaroh keu rencana investasi para investor untuk keumajuan Aceh. Aleh ek keubiet meunan pih hom.
Seubab na 3 boh perusuhaan nyang ka jitheun droe, hana jadeh jitindak lanjuti investasi di naggroe Aceh nyo. Nyakni, perusahaan nyang meuurusan deungon CPO atawa minyeuk sawet, bungker nyang na di Sabang dan untuk bhaih sabon dan deterjen.
Sabri Ali, seulaku pengurus dari Kadin Pusat geusampaikan nyang bahwa para investor nyan ka ji nyatakan akan jak tinjau ulang untuk investasi u Aceh. Padahai phon rencana inveestasi tanpa batas. Tapi meunan lheuh uroe raya ka tan na berita sapu le, terutama lheuh haba referendum uroe nyan dari Mualem nyang jisambot le ramee ureung Aceh." Kheun Sabri Ali nyan watee di Jakarta, lam uroe Sabtu baroesa.
Pak Sabri Ali nyo ureung Aceh Rayek, awak Montasik. Na geumat meupadum boh perusahaan sinoe. Antara laen CEO Banda Group dan Chairman Net TV Aceh.
Kadin na neuteupu ile? Kon keupala dinaih. Tapi kamar dagang dan industri. Di Aceh, awai Mualem geutanyoe nyang duek keu ketua. Jinoe ka meuganto Budi Makmur aleh nan geuh, hana that teuingat sit Apa. Baroesa ban meugantoe. Nyan keu poto ilustrasi ata bak gugel.
Teuman ek nyoe lagee nyan pih hom. Ta preh kadang na haba bantahan laen lom eunteuk. Nasaja kiraju. Bak media seulaen jeut keu media informasi, jeut keu media ureung, terutama para tokoh meudawa. Hai meudawa lam artian perang informasi. Nyan ban kiraju.
0 Response to "3 Droe Investor Hana Jadeh Tamong u Aceh, Gara-Gara Isu Referendum ?"
Post a Comment