Sandiaga Uno Singoh Seumayang Jeumeu'at di Seumijid Raya Banda Aceh
Nasaja Berita - Banda Aceh, Cawapres atawa Calon Waki Prsiden dari lumboi 2, Pak Sandiaga Uno, meunurot rencana singoh uroe Jeume'at tanggai 3/5 geujak u Aceh. Lam agenda untuk syukuran, seubab di Aceh meunang lumboi 2, Prabowo Sandi.
Meunurot geupeugah le Sekratarieh BPN Provinsi Aceh, Wen Rimba Raya na padum-padum boh agenda nyang akan geujalankan le Pak Sandi seulama di Aceh. Diantara jih jak seumayang Jeumeu'at bak Seumijid Raya Baiturrahman, Banda Aceh dan lheuh nyan duek meureumpok deungon relawan dan BPN Provinsi Aceh.
"Inti kunjungan Pak Sandi untuk ucapkan terimakasih keu rakyat Aceh nyang ka pileh gobnyan." Kheu Wen Rimba.
"Seulanjot jih, peugot rapat konsolidasi untuk saban-saban ta kawai C1 dari ubee tingkatan nyang na di Aceh. Mulai TPS, Kecamatan, Kabupaten sampe Provinsi." Lanjot Wen Rimba.
Sandi pih keuneuk sampaikan bak mandum masyarakat Aceh, nyang bahwa meunurot data BPN Pusat, Capres Cawapre lumboi 2, Prabowo Sandi meunang telak. Lheuh nyan langsong suah gisa ju lom u Jakarta.
Apa pike meuteume ikot beut Tastafi sajan Abu MUDI bak seumijid Raya malam singoh di Pak Sandi Uno nyan. Rupajih suah geureutok droe ju gisa keudeh u Jakarta. Sang sibok that lawet nyo. Seubab suah kawai ubee na suara. Meuhan hana cara.
Meunan Apa baca bak rata-rata media online. Hana Apa seubot le saboh-boh. Le that nyang peu ek berita nyan seubab. Ta peugah saaboh, takot cemburu nyang laen, hana roh Apa seubot. Kon hana mangat sagai, sabe-sabe droe teuh. Nasaja kiraju.
0 Response to "Sandiaga Uno Singoh Seumayang Jeumeu'at di Seumijid Raya Banda Aceh"
Post a Comment