Roh Meucue Beudee Ngon Dompet Peulisi, Pancuri Suah Tiek Dabeuh Bak Jalan
Nasaja Berita - Banda Aceh, Kon na keujadian di Samahani Sabtu baroesa, nyang ji phok kaca moto Bang Leman DPRK Aceh Rayek, nyang ji cue pu nyang na asoe lam moto. Sampe beudee pistol Pamtup pih jiramah.
Jadi beude Pamtup, Bripka Ilyas nyan ka meuteume keulayi, lam parek di bineh jalan daerah Lamteuba, Aceh Rayek.
Na laporan dari warga seukiar nyang kalon taih nyang ukuran c'et nyan untuk lhat bak keuieng. Meunan jipareksa rupajih keubiet nyoe ata Bripka Ilyas nyan. Meureumpok bak uroe Aleuhad 19/5 baroe.
Kon cuma taih khong lam taih nyan na beudee, pistol. Na aneuk-aneuk pelor jih sit. Sang teukeujot pancuri, seubab watee jibuka taih nyan, bak jikalon na beudee, na kartu anggota peulisi, KTP, SIM, dompet, HP lom dua boh, euncien lom. Lengkap barang neukiraju.
Meunan Apa baca bak AJNN nyang jituleh le Tommy, hana pakek Soeharto. Tommy Soeharto nyan laen lom. Nyo Tommy wartawan, bek salah ureung.
Teuman lagee haba Apa bak berita seugolom jih bunoe. Meunyo keubiet roh jiramah ata peulisi, nyan hana pat meusom. Lam p'uep ta lop, lam p'uep jijak mita teuh.
Teuman peng 1 juta rupiah aleh na jipulang hom. Meunyo hana jipulang beurarti carong pancuri, cok ubee peurle. Meunyo hana jipulang, ka meuramah. Adak pih geupeuiklaih le Bripka Ilyas, jeh kacamoto Aduen Leman jiphok kiban calitra. Beudee seumpat ji baplueng pu calitra. Nyang pancuri nyan teutap suah mita.
Ka abeh jih, meunyo mantong meuwet-wet di Aceh Rayek, han ji teume meu uroe raya bak sang ta kalon. Meunyo pancuri nyan na jibaca berita bak Nasaja Berita nyo, ka pateh Apa ka balap u Medan ju keudeh. Meuhan u Malaya, bek le ka dong lam nanggroe, si tok gara-gara kah, u seumijid han ta teujeut le jak ngon moto kiraju. That geu soh min dih, buet nyang kon-kon buet ka pubuet. Ku let igoe keuh meunyoe Apa teume, ka eu keuh. Nasaja kiraju.
0 Response to "Roh Meucue Beudee Ngon Dompet Peulisi, Pancuri Suah Tiek Dabeuh Bak Jalan"
Post a Comment